Xanana Felisita Padre João Felgueiras

DILI, STLNEWS.co – Lider karismatiku, Kay Rala Xanana Gusmão, hatoo votu susesu no parabéns ba Padre João Vasconcelos Batista Felgueiras, SJ, neebe selebra aniversáriu ba dala 100, (9 de Junu de 1921 – 9 de Junu de 2021), iha Timor Leste.

Liu husi komunikadu imprensa neebe STL simu iha loron Kuarta (09/06/2021) haktuir, “Votu parabéns ba Padre João Vasconcelos neebe kompleta tinan 50 hodi halao misaun relojiozu iha Timor-Leste, no votu parabéns mos tanba kompleta tinan moris ba dala 100,” Xanana hatoo bainhira partisipa misa agradesimentu aniversáriu Padre João Vasconcelos Batista Felgueiras, SJ iha Igreja Imaculada da Conçeião, Balide Dili.

Xanana konsidera, Padre João nudár erói no belun diak neebe halao misaun importante mós ba Timor-Leste nia luta, hodi salva povu husi ameasa oin-oin.
Misa aniversáriu tinan 100, ho tema “Obrigado a Deus e Obrigado a Timor”, neebe prezide husi Arsebispu Arkidioseze Dili, Dom Virgilio do Carmo da Silva, SDB, hamutuk ho padre kon-selebrante nain 15, asiste mós husi madre no intelektuál Timoroan no sarani sira.

Iha missa, Dom Virgilio dehan, selebrasaun tinan 100 hodi kompleta moris iha mundu nudár milagre ida ho esperansa, atu moris nafatin ho Na’i Maromak iha Nia grasa no tulun-sira.

“Parabéns Padre João Vasconcelos Batista Felgueiras, SJ,” Arsebispu hatoo parabéns iha omilia.

Iha tempu hanesan, Arsebispu Arkidioseze Dili, Dom Virgilio do Carmo da Silva, SDB nee entrega mós mensajen no fotografia votu parabéns husi Amu Papa Fransisco ba Padre João hodi hetan nafatin bensaun no grasa wain.

Iha fatin hanesan, Padre João Vasconcelos Felgueiras, SJ, agradese ba votu parabéns no orasaun neebé sarani no líder istóriku hatoo, iha jornada moris ba dala 100.

“Obrigado, a deus e obrigado ba Timoroan hotu-hotu,” Misionáriu nee agradese.

Maski tinan 100 ona, maibé nai lulik nee kondisaun fíziku sei forte, hodi partisipa misa no lao ain kaer aitonka no kumprimenta nafatin, padre, madre no sarani sira.

Padre João daudaun nee kompleta ona misaun tinan 50 iha Timor-Leste iha nudár Minisionáriu Jezuita. Durante tinan barak moris hamutuk ho sarani, tranforma mensajen Maromak nian ba sarani sira hodi hametin fiar no fahe esperiénsia iha área edukasaun.

Padre João hahú tama semináriu iha tinan 1933-1938, tama mai Timor-Leste iha fulan Janeiru tinan 1971 no tuir fali Padre José Alves Martins too Timor-Leste iha tinan 1974, hodi halao misaun saserdósiu iha Timor-Leste.

Durante nia moris, nai lulik nee fahe nia tempu, kuaze tinan 50 moris iha Portugál no nasaun seluk no tinan 50 moris iha Timor-Leste too komplete tinan 100.

Bibi atan nee moris iha Parokia São Tomé de Caldelas (Caldas das Taipas), sidade Guimarães, iha 9 Juñu 1921, nudár oan ba da-ualu husi maun alin nain sian (9). Hosi familia nee, Padre João ho nia alin nain neen moris nudár kristaun.
Bainhira sei kiik halo tinan neen, Padre João nia aman mate husik hela sira, ikus mai sai Saselok Na’i Maromak nee moris boot iha familia misionariu-sira.

Hahú estudu iha Semináriu Bispu Serpa, iha tinan 1933 too 1938, no kontinua ninia estudu filozofia husi tinan 1983-1940, hafoin tinan rua estudu iha área Teologia hosi tinan 1940 too 1942), iha Semináriu Altu Vora.

Padre João hahú tama iha Kompania de Jesus iha biara Santa Marinha da Costa, Guimarães, iha loron 19 Septembru 1942.

Hafoin ida nee hahú aprende edukasaun umaniora, no iha tinan 1947, hahú tama fakuldade Filozofia Braga, hafoin estudu nee nia kontinua ba Oña, Burgos, Spaña nudar Nai lulik hodi hanorin materia Teolozia durante tinan tolu (1948-1951).

Nia hahú sai Padre iha loron 30 Jullu 1950 iha Ona, hodi halao atividade iha Gandia, Valencia, España. Iha tinan 1952 halao knaar nudár padre hamutuk ho Nai-lulik seluk hodi sai nuudar Diretór Akadémiku Braga.

Nia mós halao knaar iha Eskola Apostólika Macieira de Cambra, hodi halao profisaun oin-oin nudár professór iha Kolegio São João de Brito, Lisbon iha periúdu tinan 1958 no 1961.

Durante ninia vida, halao mós knaar hodi hametin ema nia fiar nudár sarani Katálika too tinan 1962 too 1967 sai nuudar koordenador Lar da Imaculada Conceição, neebé envolve mós Institute Nuno’Alvres (Caldas da Saúde, Santo Tirso). Iha tinan 1967 hetan nomeasaun nudár Reitór College of Cernache, Coimbra.

Iha tinan 1970, nia simu misaun mai Timor (Timor-Leste) sai nudár Vice Reitór Seminariu Nossa Senhora de Fatima, iha Dili, nia mos sai mestre no Diretór pedagozia, hodi halao knaar oin-oin iha komunidade “Amigo de Jesus”.*

Reportajen: Guilhermina Franco
Editora: Domingas G

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: