DILI, STLNEWS.co – Lider Karismatiku Kay Rala Xanana Gusmao simu ona karta husi Sekretariu Jeral Partidu FRETILIN, Mari Alkatiri dehan, atu halo dialogu, liga ba progresu servisu durante kaer ukun, saida maka halo iha momentu kaer ukun. Maibe antes sira deklara beibeik ona katak, CNRT kaer ukun nakonu ho korupsaun, tan nee atu ba koalia saida iha dialogu nee.
“Dialogu nee hau atu ba koalia saida, tanba hau rekonhese duni durante ukun tinan 10 CNRT la halo buat ida, ate ponte rin ida mos la iha, halo estrada maibe la liu husi planu, tan nee la halo buat ida, ami kaer ukun atu naok deit osan,” dehan Xanana Gusmão iha konfrensia imprensa Kinta nee (21/04/2022) iha sede kandidatu Prezidente Republika, Jose Ramos Horta, Osindo, Dili.
Nia afirma liu tan, lo-loos nee Sekretariu Jeral FRETILIN, Mari Alkatiri, neebe kaer projetu boot iha RAEOA nee maka tenkI fahe esprensia ba ema hotu.
“Hau la merese atu halo dialogu, hau ba mos atu koalia saida, tanba hau la iha espriensia i kaer ukun la halo buat ida, programa la iha, tanba nee ukun tinan 10 la halo buat ida, estrada sira mos aat hotu povu la senti buat ida, CNRT ukun naok deit maka osan, tan nee koruptor boot liu maka hau, no hau maka Soeharto kedua,” dehan Xanana.
Kontinua ba pajina 2