Xanana Ho Emprezariu Timor Oan Apoiu Umanitariu Ba Komunidade Tankai & Mariboro

DILI, STLNEWS.co – Líder karismatiku Kay Rala Xanana Gusmão ho emprezariu Timor Oan Quintiliano apoiu umanitariu ba komunidade kbiit laek iha Aldeia Tankai ho Aldeia Mariboro, hodi hatutan sira nia moris lor-loron.

Apoiu umanitariu nee halao iha Aldeia Tankai ho Aldeia Mariboro, Suku Ailook, Postu Administrativu Cristo Rei, Domingo (23/05/2021) neebe entrega direta husi lider istoriku nee ho emprezariu Timor oan Quintiliano Moniz Carvalho hanesan Diretor kompania Sipma.

Tuir reprezentante komunidade Tankai, Luis Goncalves katak, “agradese ba Avo Nana ho nia ekipa neebe mak laran luak hodi mai tulun kbiit laek hanesan ferik ho katuas sira, i avo mos mai fo apoiu ba kiik oan sira hansan dosi,” katak Luis.

Nia dehan, ho apoiu nee nudar komunidade hotu-hotu reza ba aman maromak atu avo ho ekipa sira atu isin diak nafatin.

Iha parte seluk Xefe Aldeia Mariboro, Domingos do Rego agradese ba Avo Nana, tanba nafatin ho nia ekipa sira, vizita nia komunidade sira iha munisipiu, suku too aldeia hodi haree sira nia kondisaun, nunee bele fo apoiu hahan ba sira.

“Apoiu nee mos tanba iha maun Quintiliano neebe ho fuan boot mai hamutuk ho hau hodi lori sasan sira nee mai fo apoiu,” katak Xanana.

Iha apoiu umanitariu ba komunidade aldeia 2 nee hanesan fós, mina, supermie, koto, ikan, no hahan sira seluk tan. Iha biban nee laos apoiu deit hahan, maibe apoiu mos joven sira hodi fo bola atu joven sira bele halao atividade desportivu.*

Reportajen: Guilhermina Franco/Madalena Horta
Editora: Domingas Soares

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: