Xanana Kondena Aktu Oknum Polisia Tiru Mate Povu

DILI, STLNEWS.co – Lider karismatiku, Kay Rala Xanana Gusmão preokupa no lamenta ho atitude oknum membru polisia ida neebe lori arma hodi tiru mate populasaun sira.

Xanana hatoo preokupasaun nee durante halao vizita ba haree familia matebian sira iha Aldeia Ainitas Hun, Suku Lahane, Muninisipiu Dili, Sabadu (05/06/2021).

“Halo nusa maka nia hela iha kraik, nia sai fali mai uma nee tiru sira nain rua, nee tenke halo investigasaun didiak, atu nunee bele evita buat sira nee labele akontese bebeik,” dehan Xanana durante konversa ho familia matebian sira.

Xanana preokupa, tanba atitude oknum polisia ho inisial M la profisional, no la merese atu uza arma hakanek povu iha nasaun nee.

Matebian veteranu rezistensia Mateus de Deus “Amino” hetan tiru ho pistola glock-19 bala musan kona borus ba hirus matan no matebian Camilio da Conceiçao de Deus hetan tiru kona kabun hodi rezulta nia mos mate, enkuandu joven ida sofre kanek todan.

Dadaun nee mate isin vitima nain rua mediku lori ona ba fatin mortuariu hodi hein transporte ba nia rezidensia Lahane, no vitima nain rua neebe kanek kontinua halao tratamentu.*

Reportajen: Madalena Horta/Guilhermina Franco
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: