Xanana Kongratula  DIT, Selebra Aniversariu Ba Dala XX

DILI, STLNEWS.co – Lider Karismatiku Kay Rala Xanana Gusmão hatoo parabens no kongratulasaun ba Dili Institute Of Technology (DIT), neebe mak ohin selebra aniversariu ba dala XX no selebrasaun graduasaun ba dala XV iha Timor Leste.

Lider Karismatiko Xanana Gusmão hatoo agradesementu nee liu husi nia diskursu bainhira partisipa iha serimonia rua iha salaun DIT Aimeti Laran, Dili, Tersa (10/05/2022) hatete, sente ondradu no haksolok boot hodi partisipa selebrasaun serimonia graduasaun no aniversariu DIT ba XX no graduasaun ba dala XV.

“Hau hatoo hau nia kolorozu ba serimonia graduasaun ba dala XX no mos serimonia gradua neebe mak ohin DIT selebra ba loron ohin nia,” dehan Lider Karismatiku Xanana Gusmão liu husi nia diskursu.

Eis Prezidente Republika hatutan, ohin estudante sira halo ona gradua husi DIT, husu joven sira tenki prepara aan ho esperansa ba futuru nasaun nee nia, tanba joven mak futuru nasaun nee.

Lider karismatiku nee hatete, joven sira presiza iha hanoin neebe mak diak hodi hadia dezanvolvimentu ho sustentavel.

Iha biban nee, Prezidente Konselhu Permanente DIT, Estanislau S. Saldanha hatoo agradese ba lider Karismatiku Kay Rala Xanana Gusmão, neebe mak ho laran luak bele marka mos prezensa iha serimonia rua aniversariu ba dala XX no serimonia graduasaun ba dala XV iha Timor Leste.

Iha Biban nee, Estanislau mos hatoo agradese ba partisipante hotu neebe hola parte iha serimonia rua nee, agradese ba governu no Povu Timor Leste, liu-liu inan aman sira neebe mak haruka oan halao estudu iha DIT, no ohin too rohan hodi halo graduasaun.

Estanislau hatete, loron 10 fulan Maiu tinan 2022 loron neebe mak importante tebes, tanba DIT selebra ou komemora dies natalis ba dala XX no iha biban nee iha mos serimonia graduasaun ba dala XV, no institusionalmente dezde tinan 2008, DIT mos hetan akreditasaun ho valor 92.88% no agora sei mantein valor A.

(eme)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...