Xanana Kontinua Observa Bee Iha Lagoa Tasi-Tolu

DILI, STLNEWS.co – Lider nasional Xanana Gusmão, kontinua halo observasaun ba bee iha lagoa Tasi-Tolu, tanba volume bee kada loron komesa menus, tanba kompania neen (6) kontinua supa sai bee.

Tuir observasaun STL iha terrenu haree katak, lider nasional Kay Rala Xanana Gusmão hamutuk ho tekniku sira sae bero oan haleu lagoa Tasi-Tolu, hodi observa direta bee iha lagoa, tanba inundasaun neebe akontese iha loron 4 fulan Abril, lori ameasa boot ba komunidade sira neebe hela iha lagoa Tasi-Tolu no Maslidun, kuaze uma kain atus ida resin mak afetadu ba inundasaun nee.

Tanba nee obriga komunidade sira evakua mai hela provizoriu iha eskola 12 de Outobru i balun halo baraka hela deit iha uma adat Tasi-Tolu, maibe ho esforsu Xanana nian, hodi organiza kompania 6 tun supa bee, hafoin inundasaun neebe akontese iha loron 4 fulan Abril liu ba.

Nunee iha oron 10 fulan Abril, lider nasional nee orienta kedas kompania 6 tun hodi supa bee refere too agora volume bee kada loron hahu menus.

Progresu bee iha lagoa Tasi-Tolu hahu menus, tanba nee komunidade kuaze uma kain 70 resin fila ona ba sira nia uma, tanba bee iha fatin nee tun dadauk ona. Kompania 6 neebe supa bee iha fatin nee mak hanesan RMS, H2O, Timor Port, Incanto Weste, Sika, no ETO kompostu husi Gota.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: