Xanana Kontinua Observa Lagoa Tasi-Tolu

DILI, STLNEWS.co – Lider Karismatiku Kay Rala Xanana Gusmão lakolen hodi kontinua halo observasaun ba lagoa Tasi-Tolu, neebe nia rasik orienta kompania sira supa bee. Asaun supa bee nee iha ona mudansa lubuk ida, tanba volume bee tuun makas.

Observasaun lider karismatiku Xanana Gusmão ba supa lagoa Tasi-Tolu nee, kontinua halao iha loron Sabadu (08/05/2021), mezmu kompania no ekipa tekniku sira neebe apoiu Xanana nee halao hela sira nia servisu supa bee, maibe lider nee lasente kolen, hodi loron-loron nafatin observa tanba hakarak atu komunidade neebe sofre ba inundasaun fila hikas ba sira nia horik fatin.

FOTO: STL/Guilhermina Franco

Entretantu observasaun jornalista STL haree katak, lagoa neebe volume aumenta iha loron 3 no 4 Abril tanba udan been mai ho intensidade makas, halo komunidade barak sofre ba inundasaun, maibe volume bee nee agora iha mudansa tanba menus makas ona. Halo komunidade balu konsege fila hikas ona ba sira nia horik fatin, mezmu balu seidauk maibe asaun supa bee nee sei kontinua.

Aman luta nain nee, aleinde kada loron halo observasaun ba lagoa, nia mos sempre apoiu komunidade sira hanesan apoiu hahan, oferese bee mos, halo limpeza ba lixu sira, hamoos komunidade sira nia uma neebe bee maran ona, no seluk tan.*

Reportajen: Guilhermina Franco/Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: