Xanana Organiza Tesi Ai, Eletrisidade Dili Laran Mate

DILI, STLNEWS.co – Tuir reprezentante povu iha uma fukun Parlamentu Nasional (PN), Deputada Rezinha Freitas katak, eletrisidade neebe foin dadauk iha loron Domingu mate, tanba Lider Karismatiku Kayrala Xanana Gusmao, haruka ema tesi ai-hali kona fiu mak halo eletrisidade iha Dili laran mate.

“Hau hakarak fo hatete ba deputada sira katak, foin dadauk iha loron Domingu eletrisidade mate, tanba Maun Xanana mak haruka ema tesi ai-hali boot ida iha Bidau Masal, iha guruta nian neeba mak halo ahi Dili laran mate hotu, tanba ai kona loos iha fiu haat (4) neebe iha leten liu nee,” dehan Deputada Rezinha Freitas, liu husi plenaria iha PN, Segunda nee (11/10/2021).

Iha fatin hanesan, Deputada Bankada CNRT Virgina Ana Belo hatete, eletrisidade iha loron Sabadu ho Domingu eletrisidade mate to’o oras 5 ou 6 nia laran, razaun dehan halo manutensaun.

“Hau hakarak hatete eletrisidade nee laos buat foun ida, tanba hotu – hotu monta tiha no iha hotu ona kondisaun, agora halo hela manutensaun, i hau la fiar katak, halo manuntensaun nee atu lori to’o oras 5 nia laran,” dehan nia.

Nia afirma, tanba uluk – uluk bainhira sira hakarak halo manutensaun hamate nee oras 2, mais realidade saida mak akontese, iha loron Sabadu ho Domingu to’o oras 5 ou 6 nia laran.

“Nia implikasaun nee klaru iha, tanba ema balun hakarak fase sira nia roupa, no ema balun mos iha lia mate, iha sira nia uma nee akontese, entaun karik atu halo manutensaun labele hamate ho oras neebe naruk hanesan nee,” hakotu nia.*

Reportajen: Domingas Soares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...