Xanana Prontu Hasoru Alkatiri iha Tribunal

Prezidente Partidu CNRT, Kay Rala Xanana Gusmão ho membru CPN (CNRT-red), prontu hatan iha Tribunal relasaun ho apoimentu neebe Sekjer Fretilin Mari Alkatiri hatama ba Ministeriu Publiku. (Foto: STL/Claudios de Jesus)

DILI, STLNEWS.co – Prezidente Partidu CNRT, Kay Rala Xanana Gusmão ho membru CPN (CNRT-red), prontu hatan iha Tribunal relasaun ho apoimentu neebe Sekjer Fretilin Mari Alkatiri hatama ba Ministeriu Publiku

Vice Prezidente CPN, Virgilio Simith hanesan portavoz, liu husi konferensia imprensa ba jornalista sira iha sede Partidu CNRT, Bairo Grillhos, Sabadu, (23/01/2021) hatete, iha loron 6 fulan Novembru tinan 2020, Mari Alkatiri hakat ba Ministeriu Publiku hodi aprezenta keixa kontra membrus Comisaun Politika Nasional (CPN), no Bankada Parlamentar CNRT.

“Iha loron 5 fulan Janeiru tinan 2021, Procurador Geral da Republica, Jose da Costa Ximenes, molok sai husi audiensia ho sua excelensia, Dr. Lú Olo, Prezidente da Republica, nia dehan katak iha tempo badak, Ministeriu Publiku sei notifika arguidos sira, husi CPN no husi Bankada Parlamentar CNRT.” hateten Virgilio.

Nia hatutan ho ida nee, iha loron 8 fulan Janeiru tinan 2021, membrus CPN nain hat (Virgilio, Rigoberto, Rogue no Bendito) simu notifikasaun husi Ministeriu Publiku, atu aprezenta an, nudar arguido.

”Iha Ministeriu Publiku, Procurador, Dr. Aderito Tilman, fo sai ba membros CPN nain 4 ne atu, tuir artigo 60”, alinea c), Codigo Processo Penal, bele uza sira-nia “direito ba silensio’ no sira simu hodi invoka ‘direito’ ne’e.”

Vice Presidente CPN nee afirma katak, membros CPN nain 4 ne informa CPN iha membros sanulu resin ida (11), inklui Kay Rala Xanana Gusmão, nudar Prezidente ba orgaun ne’e, no mos Prezidente CPN, prontu atu ba halo depoimento ruma ka hatan, nudar arguido, ba kazu ida nee.

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here