Xefe Suku 2 Hasoru Malu Ho Prezidente Komisaun E

DILI, STLNEWS.co – Xefe Suku Gisu no Xefe Suku Lisadila, Postu Administrativu Maubara, Munisipiu Liquica hasoru malu ho Prezidente Komisaun E Parlamentu Nasional, neebe trata asuntu infraestrutura hodi hato’o preokupasaun komunidade nian, neebe kada tinan sempre sai vitima ba inundasaun husi mota Loes.

Tuir Xefe Suku Gisu, Liberato Araujo, informa ohin sira marka audiensia ho Prezidente Komisaun E, tanba iha asuntu rua husi Suku Gisu no Suku Lisadila neebe kada tinan sempre hetan inundasaun.

“Problema nee akontese dala barak ona, nunee ohin ami mai hasoru malu ho Prezidente Komisaun E, hodi hato’o preokupasaun neebe mak tinan – tinan komunidade sira sai vitima ba inundasaun husi mota Loes,” dehan Xefe Suku ba jornalista hafoin remata hasoru malu ho Prezidente Komisaun E iha PN, Dili, Kinta nee (16/09/2021).

Autoridade lokal nee dehan, relasiona ho problema neebe kada tinan komunidade sira hasoru, hato’o bebeik ona ba parte kompetente sira, maibe ate agora rezultadu la iha.

Nia konta, mota Loes neebe sobu komunidade nia uma husi kedas tinan 2000 ate agora mota sei kontinua sobu, nunee oras nee dadaun komunidade hirak neebe mak vitima husi inundasaun nee, muda hotu ba foho aas sira hodi buka fatin alternativu hodi hela.

“Ami hato’o hotu preokupasaun hirak nee, Prezidente Komisaun E sei deside iha loron ida, hodi tuun direta haree problema neebe mak komunidade sira hasoru,” dehan nia.

Iha fatin hanesan Xefe Suku Lisadila, Fernando Lobo, haktuir iha Suku Lisadila iha tinan 2017 hetan inundasaun dezastre natural, neebe difikulta komunidade sira iha suku refere.

Iha tinan 2017 inundasaun estragus komunidade sira nia uma hamutuk 79, inklui igreja, kios, kintal, no animal sira.

Xefe Suku nee hatete, iha tinan 2018 no 2019 mos akontese inundasaun hanesan, nafatin sobu komunidade nia hela fatin, nunee hanesan autoridade lokal servisu hamutuk ho parseiru MDI, nunee iha tinan 2020 halo pedidu ba iha Ministeriu Obras Publiku (MOP), ida iha komisaun E, no ida ba iha Primeiru Ministru, nunee hodi hasoru malu ho asesor PM nian iha Palasiu Governu, nunee horiseik sira hetan kontaktu hodi hasoru malu ho Prezidente Komisaun E Parlamentu Nasional.*

Reportajen: Santina Castro/Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...