XG Dezafia Nasaun Frajil Kontinua Liberta Povu Husi Mukit

DILI, STLNEWS.co – Iha konferensia internasional G7+, lider istóriku Kay Rala Xanana Gusmão, dezafia membru g7+ servisu hamutuk nafatin hodi luta liberta povu sai husi situasaun frajil no mukit hodi hakat ba prosesu harii estadu ida ho dezenvolvimentu neebe diak iha nasaun idak-idak.

Liu husi karta komunikadu imprensa neebe STL simu Sesta (21/05/2021), haktuir durante loron rua, Sesta 20 Maiu 2021, iha tuku 1:00 too 4:00 Otl dader, Xanana partisipa konferensia internasional ho nasaun membru grupu g7+ (nasaun frajil no pos-konflitu hamutuk 20) neebe liu husi zoom meeting, iha Otel Novu Horizonte Dili.

Iha konfrensia internasional neebe partisipa husi lider mundial no reprezentante nasaun membru grupu g7+ nee, Kay Rala Xanana Gusmão dezafia membru g7+ servisu hamutuk nafatin hodi luta liberta povu sai husi situasaun frajil no mukit hodi hakat ba prosesu harii estadu ida ho dezenvolvimentu neebe diak iha nasaun idak-idak.

“Hodi kalan iha Dili meianoite, tuku 1:00 too tuku 4:00 dadersan nee, hau partisipa iha konfrensia internasionál ida kona-ba paz no estabilidade. Hau aproveita informa, iha mundu rai barak tebes, ita bolu nasaun frajil katak, nasaun sira la forte ka ita temi estadu ninia instituisaun sira mak fraku, kuandu fraku, estadu nee frajil,” dehan Xanana durante selebra festa restaurasaun independensia 20 de Maiu ba dala XIX iha Tasi Tolu, Maslidun, Dili.

Xanana dehan, hanesan membru g7+, Timor-Leste iha esperensia neebé sai ezemplu ba mundu maka krize politika militár neebé akontese 2006/2007 halo Timor-Leste monu, no iha tinan 2010 Timor-Leste hamariik hikas sai estadu ida metin hodi aprende husi sala, atu labele monu tan ba sala no kria politika ida diak, liberta povu no halo dezenvolvimentu ba nasaun Timor-Leste tuir Planu Estrateziku Dezenvolvmentu Nasionál (PEDN) 2011-2030.

“Ita konsege rezolve krize 2007, no iha 2010 ita harii g7+, iha Timor-Leste grupu ida hahu ho pais 7 neebe bolu membru g7+, no ohin loron ita iha nasaun 20 maka sai ona membru g7+. Grupu nee hetan ona estatutu obserbador permanente iha Organizasaun Nasoins Unidas (ONU) hodi ajuda ONU hadia no rezolve problema no konflitu, no ita mós ajuda rezolve konflitu iha rai barak no balun maka kontinua nafatin problema,” tenik Xanana.

Nia haktuir, maske TL foin ukun aan, maibe prezensa no lideransa iha nivel global hetan ona rekonesimentu boot tebes husi komunidade internasional sira. Iha nivel nasionál, TL mak lidera grupu g7+ (nasaun frajil no pos-konflitu neebé hamutuk 20) husi 2010-2014. TL nia lideransa nee hetan mós apoiu masimu husi Presidente RDTL, Parlamentu Nasionál, Primeiru Ministru, Governu no komponente Sosiedade Sivil hanesan kauza nasional ida.

Líder nee afirma, durante ukun aan, prosesu ba harii dame no harii estadu (peacebuilding and statebuilding) iha Timor-Leste rasik hasoru desafiu oin-oin, maibe TL nia vontade hakarak fahe esperiensia ba nasaun frájil sira boot tebes. Ohin loron Timor oan sira sente orgullu moris hakmatek no determinadu iha sira nia soberania.

Timor oan sira agora moris iha ambiente trankuilidade nia laran. TL nia ambiente seguransa neebé hakmatek, nakonu ho optimismu no konfiansa hodi hakat ba futuru. Ida nee konsidera nudar pasu boot ida hodi hakat ba prosesu dezenvolvimentu sosial, ekonomia no politika iha Timor-Leste.

Nuudar nasaun foun, Xanana rekonese, TL komesa hakat sai neineik ona husi estadu frajilidade hodi konstrui instituisaun estadu sei fraku atu harii metin kontribuisaun ba governasaun diak. Antes nee iha tinan 2014, TL sai uma nain hodi realiza komferensia internasionál nudar momentu tranzisaun importante na TL, tanba antes tinan 2010, Republika Demokratika Kongo mak lidera grupu servisu kona ba nasaun frajil sira, maibé iha komferensia Dili, kargu nee mós entrega kedas ba TL, mak lidera grupu g7+ too fulan Maiu 2014.

Xanana dehan rekonta, momentu neeba, bainhira halao konferensia Dili nee, estabelesementu g7+ hamosu mos dokumentu istóriku ida hanaran deklarasaun Dili (Dili Declaration). Deklarasaun nee bolu atensaun makas ba espiritu solidaridade entre nasaun frajil sira, no marka komitmentu hodi servisu hamutuk (koletivu) iha g7+ nia laran hodi fahe esperiensia, dezafiu, susesu no failansu sira iha no hasoru, hodi nunee nasaun g7+ sira bele hakat sai lalais husi faze frajilidade ba faze resiliensia. Tan ba nee nasaun membru g7+ sira presiza hasoru malu bei_beik hodi diskuti kona ba área importante 4 (i) Governasaun (ii) Dezenvolvimentu Ekonomiku (foku ba rekursus naturais, hamenus kiak-mukit, kriasaun oportunidade ba kampu serbisu), (iii) Dezenvolvimentu umanu no sosial, no ikus liu (iv). Área siguransa (foku iha rezolusaun konflitu, rekonsiliasaun, inklusaun sosial, dialogu kona-ba hari dame no orden siguransa. Nasaun sira nee kompremetidu tebes atu hasoru malu bebeik ho apoiu husi komunidade internasional sira.

Entretantu, estadu membru grupu g7+ hamutuk nasaun 20 kompostu Afganistan, Burundi, Republika Sentral Afrikana, Chad, Comoros, Cote Dívoire, Republika Demokratika Congo, Guine, Guine-Bissau, Haiti, Liberia, Papua New Guinea, Sao Tome e Principe, Sierra Leone, Solomon Islands, Somalia, Sudan do Sul, Timor-Leste, Togo no Yemen.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: