XG Kontinua Normaliza Estrada Iha Maslidun

DILI, STLNEWS.co – Lider karismatiku Kay Rala Xanana Gusmão iha loron Sabadu (15/05/2021) nee, hamutuk ho nia ekipa kontinua normaliza estrada iha Bairru Maslidun, Lagoa Tasitolu.

Tuir Xefe Bairru Maslidun, Lagoa 2, Manuel Cárceres Correia, katak, sira agradese ba tulun Xanana nian, hodi normaliza estrada, supa bee Lagoa, tanba durante fulan ida komunidade sira susar tebes ba estrada atu movimentu no labela hela iha uma tanba bee okupa.

“Ami agaradese ba Avo Nana tanba ho nia tulun tomak hahu husi dia 4 Abril mai too agora ajuda ami iha buat barak. No ohin avo mai organiza tan ekipa sira hodi mai normaliza fali estrada neebe mak durante nee ami la asesu fulan ida resin ona, i apoiu ba supa lagoa agora komunidade balu fila ona ba uma,” katak Manuel Carceres ba STL, Sabadu (15/05/2021) iha Maslidun, Lagoa 2.

Nia dehan, ajuda avo nian nee halo sira komunidade hotu orgullu no agradese, tanba normaliza estrada neebe mak bee okupa hotu. Ho ajudus ida nee bele fasilita komunidade sira atu bele movimentu ba mai. Laos deit tulun ba normaliza estrada, maibe iha buat barak hanesan hahan no supa bee iha lagoa.

“Haree ba tulun nee nudar komunidade observa katak ho fuan ho laran duni,” tenik nia.

Nia haktuir, iha Lagoa 1 ho 3, komunidade balu seidauk fila, tanba uma balu bee seidauk maran, ba lagoa 2 nee estrada mak normaliza ona nee komunidade hotu bele fila hotu ona, tanba bele asesu ona ba estrada.

Tuir nia, komunidade neebe seidauk fila ba sira nia fatin kuaze 35 xefe familia, ba sira neebe mak fila ona ba uma nee kuaze 50 xefe familia. Enkuantu ba sira neebe mak seidauk fila nee tanba balu mos uma rai monu hanehan.

Entretantu observasaun STL haree katak, estrada husi parte Maslidun kraik normaliza hotu ona no komunidade sira bele movimentu ona, no agora dadaun lider karismatiku nee hamutuk ho nia ekipa kontinua normaliza ka ateru estrada iha Maslidun parte leten.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: