XG: Nafatin Lolo Liman Ba Sira Neebe Presiza

DILI, STLNEWS.co – Atu sai ema boot ka ema kiik tenke tau matan nafatin ba maluk sira neebe presiza tebes tulun, hanesan komunidade sira neebe afetadu ba kalamidade neebe akontese iha fulan rua liu ba.

Tuir lider nasional Kay Rala Xanana Gusmão katak, hanesan ema humana tenke ajuda malu, liu liu maluk sira neebe presiza, tan nee atu boot too iha neebe deit, labele lakon domin no lolo liman nafatin ba povu.

“Moris nee atu sai saida deit, sai boot ka kiik ita, nafatin lolo liman ba ema sira neebe presiza ida nee tenke sai hanesan kultura Timor nian, tan nee bainhira sai boot nafatin lolo liman no hakuak povu iha situasaun saida deit maka povu presiza no husu ba jerasaun foun sira atu banati tuir karik aban bain rua jerasaun tuan sira mate karik, nafatin kontente tanba imi hatene lolo liman ba ema sira neebe presiza tulun,” dehan lider nasional Kay Rala Xanana Gusmão iha Tasi Tolu, Bairo Besi Mea, Domingo (30/05/2021).

Xanana mos husu ba jerasaun foun sira, liu liu labarik kiik sira, karik aban bain rua sai ema boot karik, labele tur hakmatek iha fatin, maibe tenke tau aan hanesan povu nia oan, lolo liman ba malu hodi fo tulun ba maluk sira neebe presiza tulun.

Tuir Xanana katak, lolo liman ba malu hodu tau matan ba maluk sira neebe presiza tulun, ida nee tenke sai hanesan lisaun ida ba jerasaun foun sira no sai kultura Timor nian.

“Hanesan povu nian oan tenke sente katak, ida terus ita mos sente terus hotu, tan nee problema bele boot too iha neebe, maibe fasil ba ita atu rezolve, tanba ida nee ita hatudu ona iha funu nia laran, ema mate barak maibe ita nafatin lolo loman ba malu hodi hetan ukun aan ida nee,” dehan XG.

Iha fatin hanesan Reprezentante Komunidade Besi Mea, Venancio Ximenes hatutan, Lider Nasional Xanana Gusmao, hadomi duni nia povu, tanba nee maka durante fulan rua nia laran, nia la sente kolen, la hatene loron ka kalan nia sempre hamutuk ho komunidade afetadu sira iha Tasi Tolu, no XG tau duni an hanesan povu hodi tun salva povu husi inundasaun neebe akontese liu ba nee.

“Domin neebe Avo Nana hatudu ba povu iha rai ida nee, ita selu labele tan nee ami so hatoo deit ami nia orasaun atu avo nafatin vida naruk nafatin hodi tau matan povu iha rai ida nee, tan nee ami jerasaun foun konsidera Avo Nana hanesan ama ba progresu dezenvolvimentu iha rai ida nee, no aman duni ba povu tanba Avo Nana sai hanesan salvasaun ba povu afetadu sira,” dehan komunidade nee.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: