Xineza Baku Timor oan Haruka Fila Nia Rai

DILI-Reprezentante povu iha Uma Fukun Parlamentu Nasional, husu ba governu atu haruka fila Xineza neebe maka baku Timor oan foin lalais nee iha Audian Dili.

Deputadu Antonio Cerpa husi bankada CNRT husu ba Governu atu hare kestaun konaba ema estranjeiru liu liu Xineza neebe maka baku Timor oan sira.

Tanba tuir nia katak, Rai nee atu hetan inependensia Timor barak maka terus, tanba nee bainhira Xineza baku Timor oan diak liu haruka fila ba nia rai.

Rai nee atu hetan ukun aan ita Timor oan sira mate barak, tanba nee Xineza sira mai baku fali ita Timor oan nee labele, diak liu haruka fila ona ba nia neeba,” dehan deputadu Antonio ba STL, iha PN, Dili, Kinta (02/03/2017).

Nia dehan, Timor Leste hakarak ema estranjeiru mai halo investimentu iha rai laran, para fo servisu ba Timor oan sira, laos para atu baku fali lae, tanba nee Gvernu tenke foti menidadas.

Iha fatin hanesan Prezidente Komisaun E (PN) neebe trata asuntu Infraestrutura Pedro Da Costa hateten, Xineza sira mai iha rai laran para halo negosiu, laos baku fali Timor oan sira.

Entretantu Tuir observador politik Jose da Silva katak, Xineza badiu neebe maka buka moris iha Timor, depois baku fali Timor oan, nee diak liu Governu haruka fila ona ba nia, para hamus problema. Carme Ximenes

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...