DILI, STLNEWS.co – Uma ou dapur laos fatin permanente ba feto sira, maibe feto nia partisipasaun iha prosesu dezenvolvimentu nasional mos importante.
Kestaun nee hatoo husi Diretora Movimentu Feto Foinsae MOFFE, Yasinta Lusina, ba STL iha nia knaar fatin Kaikoli, Tersa nee (02/08/2022).
Nia hatete, feto nia partisipasaun ba iha publiku no mos iha prosesu dezenvolvimentu nasional importante, tanba nee husu feto sira nafatin esforsu aan hodi involve iha kualker atividade, labele hanoin dapur ou uma nee fatin permanente feto nian.
“Vontade mai husi ita feto no ita mak iha vontade atu bele aprende no dezenvolve ita nia aan hodi bele partisipa iha prosesu tomak neebe iha, neebe lalika hanoin katak, ita feto nia fatin mak iha uma deit haree asuntu uma laran no familia, maibe ita mos iha knaar no responsabilidade atu haree ema barak nia problema, tulun ema no kontribui ba iha dezenvolvimentu nasional,” dehan Diretora MOFFE.
Kontinua ba pajina 2
