Zacárias Albano Hasoru PR Hatoo Agradese

DILI, STLNEWS.co – Zacárias Albano da Costa, kandidatu ba Sekretaria Jeral Da Comunidade Pais da Lingua Portuguesa (CPLP), iha biban nee nia mos hasoru malu ho Prezidente Republika hodi hatoo agradese ba Estadu Timor Leste neebe fo konfiansa ba nia. Dehan Zacárias ba jornalista iha Palasiu Prezidensial Nicolau Lobato, Bairru Pite, Dili, Sesta (30/04/2021).

“Ohin hau mai hasoru Prezidente Republika, nuudar kandidatu nasional ba Sekretariu Ezekutivu CPLP, neebe konfirmasaun sei mai simeira senhor Estadu iha loron 17 Jullu iha Luanda-Angola, depois hau tomada de posse seidauk hatene lolos iha Angola ka Lisboa, mais ho kontestu ida nee mak hau mai hasoru Prezidente Republika, premeiru lugar mos hatoo agradese ba apoiu tomak konfiansa neebe estadu Timor Leste fo ba hau atu sai Sekretariu Ezekutivu iha 2021 too 2023, mais tinan rua tan posibilidade 2023 too 2025,” hatete nia.

Sekretariu Jeral hatete, CPLP tinan ida nee mos selebra 25 anos momentu istoriko tebes no Timor mos partisipa mesmu ke seidauk sai nuudar estadu indepedente maibe partisipa hanesan nia rasik, nunee mos Dr. Roke, Dr. Ramos Horta, Dr. Mari Alkatiri, Jose Carascalão, Luis Guterres, sira rasik tuir simeira konstutiva CPLP nia neebe tinan 25 liu ba neebe halao iha Lisboa.

Nia hatutan deskute malu ho Prezidente Republika mos konaba CPLP infrenta no oinsa rezolve mos problema sira nee wainhira nia submete nia mandatu iha Lisboa.

Enkontru nee Prezidente Republika, Francisco Guterres Lú Olo hanesan ema neebe mak empenado iha assuntu CPLP nia no PR mak Xefia ba komisaun neebe prepara Prezidensia Timor Leste iha 2014 no iha esperensia hodi troka espresaun ho kandidatu foun.

Bainhira remata halo enkontru ho Prezidente Republika, nia sei kontinua halo enkontru ho Primeiru Ministru Taur Matan Ruak, nunee mos membru seluk neebe mak iha nasaun hodi rona hanoin ruma hodi halao knaar iha Lisboa.

Antes nee mos, Ministeriu Negosiu Estrajeiru no Kooperasaun propoin Zacárias Albano da Costa atu kandidatu ba Sekretariu Ezekutivu ba CPLP. Diretor assuntu CPLP MNEK, Avelino Fernandes Ximenes hatete, Zacárias Albano iha esperensia atu assume responsablidade nee. *

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: