Zacarias: Hau Sei Pose Iha Luanda Nudar Sekretariu Ezekutivu CPLP

DILI, STLNEWS.co – Zacarias Albano sei simu tomada de pose iha dia 17 Jullu 2021, iha Luanda, Angola hodi sai hanesan Sekretariu Ezekutivu CPLP (Comunidade País de Língua Portuguesa), i ida nee primeira vez Timor oan asume kargu boot iha CPLP.

Informa Zacarias Albano, Sekretariu Ezekutivu Dezignadu CPLP ba jornalista Tersa (18/05/2021), bainhira remata hasoru malu ho Prezidente Parlamentu Nasional Aniceto Guterres iha gabinete PN.

“Ohin hau mai hasoru PPN, koalia ba kontekstu nomeasaun hau ba Sekretariu Ezekutivu ba CPLP hanesan ita boot sira hatene iha Novembru 2020 mak Governu nomeia hau ba Sekretariu Ezekutivu CPLP nian ba tinan 2021 too 2023, depois sei hetan mos renovasaun ba tinan 2 tan, 2023 too 2025,” informa Zacarias.

Nia dehan, primeira vez tinan 25 nia laran Timor oan ida sei asume kargu boot liu iha CPLP nian, Sekretariu Ezekutivu mak orgaun administrasaun de koordenasaun iha CPLP nia laran.

“Hau rasik sei lidera hahu husi dia 17 Jullu, konkorda tiha ona katak, iha dia 17 Jullu sei halao cimeira xefe do estadu do governu iha Luanda, Angola neebe kuandu cimeira nee hotu hau rasik sei simu pose iha Prezidente Xefe do Governu estadu paizes nain 9 nian neebe akontese primeira vez. Neebe Hau ho PPN koalia kona ba situasaun barak, no mos situasaun interna CPLP nian, agora ita hotu hatene katak situasaun ida difisil, financeiramente tanba nasaun balu laselu, maibe oinsa mak Timor Leste bele fo apoiu makas durante iha hau nia mandatu, tanba nee laos hau mak atu hetan susesu, maibe Timor Leste mak atu hetan susesu,” tenik nia.

Sekretariu Ezekutivu dezignadu nee mos hatete, atu simu tomada de pose, normalmente pose sei halao iha Lisboa, maibe tanba tinan ida nee ita selebra aniversariu CPLP nian ba dala 25, neebe tomada de pose sei halao iha Luanda inklui mos cimeira. Tanba nee rotativu i primeira vez Timor oan mak atu kaer, i lakoi iha tempu neebe Timor oan iha oin, Sekretariu Ezekutivu lalao tanba laiha finanseiru, problema politiku no seluk tan. Atu dehan mos katak durante enkontru ofisiais neebe mak iha Timor Leste ho Prezidente Republika, Primeiru Ministru ho Parlamentu Nasional, orgaun soberanu sira nee fo apoiu maximu tebes tanba nee kandidatura konsensual neebe Timor Leste nia naran mak sei ba iha neeba.

Nia afirma, Timor rasik hanoin katak sai ona membru CPLP i hanoin mos atu sai tan membru ASEAN no mos ba membru organizasaun internasional barak. Neebe Iha CPLP vantajen atu hetan mak bainhira funu nain sira sei luta, CPLP mak ajuda ba luta diplomatika, tanba lahetan apoiu husi nasaun sira nee luta nee bele dada naruk.*

Reportajen: Guilhermina Franco/Domingas Gomes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: