DILI, STLNEWS.co – Zamancartel Berhad Group of Companies entrega solar street panel ba Eletricidade de Timor-Leste (EDTL, E.P) hamutuk 1,000 unidade solar street panel.
“Kuantidade solar street panel iha unidade 1,000 neebe primeira vez ita entrega ba EDTL, E.P,” hatete Diretora Ezekutivu Zamancartel Berhad Group of Companies, Intan Safinar M. Safri ba jornalista sira iha salaun Ministeriu Saude, Sabadu nee (18/03/2023).
Nia informa, solar street panel ida nee bele tau iha tian eletrisidade, atu nunee fo naroman ba iha estrada sira neebe nakukun iha kapital Dili.
“Ita fo uluk 1,000 unidade, ita sei pasang iha kapital Dili, depois ita sei fo tan, maibe ita espera povu Timor-Leste bele senti naroman iha sidade Dili nia furak, bainhira tempu kalan,” nia esplika.
Iha fatin hanesan, Prezidente EDTL,E.P, Paulo da Silva esplika, Zamancartel Berhad Group of Companies entrega ona solar street panel ba EDTL,E.P ho 1,000 unidade, maibe sira fo uluk 500 unidade atu monta iha kapital Dili, neebe tempu kalan sei nakunu.
“Solar street neebe ita hetan, provolta 500 unidade, tanba sira fo mai tempu badak deit, entaun ami simu depois sei haree planu identifika fatin sira neebe presiza, ita monta liu-liu iha tasi ibun sira neebe sei nakukun,” nia esplika.
(jac)
