Kazu Usu Pação da Função, Laiha Prova Tribunal Absolve Arguida Flavia

DILI-Laiha faktus aprovadu, arguida Flavia de Jesus Serreno komete krime usu pação da função (rampas jabatan), Tribunal Distrital Dili (TDD) absolve arguida husi krime ne’e, nebe akuza husi Ministeriu Publiku (MP).

Lui husi leitura akordaun nebe le’e sai husi juiza singular Ana Paula Fonseca katak, momentu arguida aprova CPV ne’e, arguida seidauk hetan suspensaun husi Komisaun Funsaun Publiku (KFP) no la iha provas ka deklarasaun husi testamunha katak arguida komete duni krime nee.

Hafoin leitura akordaun, eis Direitora Jeral Gabineti Primeiro Ministru Flavia de Jesus Serreno ba jornalista sira katak, akuzasaun husi MP katak, momentu suspensaun sai husi KFP nia tenki para kedas servisu, maibe tuir regras funsionario publiku (FP) iha neba hatete FP ka ajente ida tenki hakruk ba desizaun diretiva superior hirarkia.

Hau la bele husik deit hau nia servisu ba deit ona, hau tenki hein lai se mak atu mai troka hau nia fatin. Nee etika profesionalismu nee iha nebe, i la iha integridade se hau husik deit hau ba ona. Hau nia superior hirarkia laos KFP, KFP nee kaer deit disiplina FP nian, maibe nia atu hasai suspensaun nee tenki liu husi hau nia superior laos haruka direitamente mai hau, agora MP hanoin KFP haruka desizaun nee mai hau. Nebe sira akuza dehan hau rampas jabatan, Flavia esplika, iha TDD, Tersa (11/03).

Flavia husu MP tenki hare uluk regras FP, antes halo akuzasaun. Katak, MP laos rona deit husi ema, halo ona akuzasaun, tanba FP iha nia regras. Informasaun kompletu iha STL Jornal no STL Web, edisaun Kinta (13/3/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: