Abandona Oan, MP Husu Selu Paternal Kada Fulan US$ 250

DILI- Deskonfia Afonso Perreira Abandona nia oan nain rua, komesa iha tinan 2011 to’o oras ne’e husi ninia kaben Fatima soares hodi ba iha Irlandia, Ministeriu Publiku (MP) husu tribunal Distrital Dili atu foti desizaun ba Afonso Soares hodi selu paternal kada fulan 250 ba nia oan nebe abandona.

Tribunal Distrital Dili Tersa (09/07/2013) halao julgamentu ba kazu minoridade nebe aman abandona, hodi rona deklarasaun husi sasin ba kazu ne’e mak hanesan Rita Soares Belo no Fatima Araujo.

Liu husi Audensia sasin ba kazu ne’e Rita Soares Belo hanesan rekerente Fatima nia bin bo’ot deklara ba Tribunal katak rekerente nian rua moris hamutuk iha tinan 2010 no konsege hetan oan nain rua, maibe oan dala rua sira iha problema tan ne’e Afonso sai husi uma 2011 la ba hare nia oan to’o agora.

Rita rasik imforma ba Tribunal katak kada fulan labarik sira nia presiza kuaze dolar US$ 300 dolar, hodi hola nesesidade labarik sira nian no mos halo tratamentu saude labarik sira nian nebe hetan ajuda husi familia rekerente Fatima nian. Informasaun kompletu iha STL Jornal no STL Web, edisaun Kuarta (10/7). Timotio Gusmão 

LEAVE A REPLY

Please enter your comment!
Please enter your name here