ADN La Bele Brani Ho Projetu Kiik

DILI-Reprejentante povu iha Uma fukun Parlamentu Nasional (PN) husu ba Agensia de Desenvolvimentu Nasional (ADN), atu labele foti medidas deit ba projetu kiik nebe laiha kualidade, maibe halo asaun mos ba projetu bo’ot nebe halo obras laiha kualidade.

Membru Komisaun E PN asuntu Infrastutura, Manuel de Castro Pereira hatete, ADN so brani sobu deit mak PDD agora PDI, brani ho kompania kiik deit. Maibe kompania bot sira la brani. Ida nee bele lori ema nia hanoin katak iha tendensia atu halo korrupsaun.

Se ita hare sira ho Jorge Serano sira hamutuk. Foin dadauk ita hare ponte iha palasio presidenti nian nee kuak, nee atu dehan katak obra nee laiha kualidade, nusa mak sira la mai sobu tok. Se ADN brani, se ita hare deit baragen iha Bidau nian nee, tanba besi nebe tau ba nee besi mesak mihis oan deit. Tau ohin aban at, tau aban bainrua at, nee sira la brani halo buat ida, dehan Manuel ba STL iha uma fukun PN,Tersa (24/09).

Liafuan hanesan informa mos husi Presidenti Komisaun E, Pedro dos Martires da Costa katak, supervisaun no planeamentu husi ADN, konaba verifikasaun mos ADN. ADN haree ba Parlamentu Nasional hakilar demais hodi toma medidas ba uma ka asrama PNTL nian iha Liquisa neba. Komisaun E ba hodi traktor sobu tiha tanba kualidade ladiak. Nemak sira mos halo tuir ona, nebe sira komesa ona ho empreza kiik oan-kiik oan.

Iha parte seluk bainhira diario nee tenta atu halo konfirmasaun ho direktur ADN, maibe laiha fatin. Informasaun kompletu iha STL Jornal no STL Web, edisaun Kuarta (25/9). Domingas Gomes

LEAVE A REPLY

Please enter your comment!
Please enter your name here

NEWS UPDATE

Ema Ho Defisiensia Matan Vasina Kompletu Ona

DILI, STLNEWS.co - Ema ho defisiensia matan oras nee kompletu hotu ona vasina. Kestaun nee hatoo husi Diretor Ezekutivu Asosiasaun Halibur Defisensia Matan Timor-Leste (AHDMTL),...

AHDMTL Relata Preokupasaun Servisu MS No Jaringan Lento Ba PR

DILI, STLNEWS.co — Asosiasaun Halibur Defisiensia Matan Timor-Leste (AHDMTL), relata preokupasaun serbisu Ministeriu Saude nia nomos jaringan lento ba Prezidente Republika Francisco Guterres Lú...

FKHTL Entrega Uma Ba Oan Kiak

DILI, STLNEWS.co - Forum Karidade Humanitaria Timor Leste (FKHTL), entrega uma ba oan kiak Fernanda da Costa Ranguel no Tomazia da Costa Ranguel. Prezidente FKHTL,...
%d bloggers like this: