Agio Perreira Troka PM Xanana, PD Lakestiona Background

DILI- Relasiona ho Informasaun husi Media Internasional katak Kuandu Primeiru Ministru Kay Rala Xanana Gusmao halo rejignasaun iha 2015, sei troka husi Ministeru Prezidente Konseilu Ministru Agio Perreira, Partidu Demokratiku sei lakestiona ninia background.

Tuir Prezidente Interinu Partidu Demokratiku, Adriano do Nascimento katak PD se deit mak atu troka PM Xanana ne’e prosesu tuir prosesu demokrasia, laos atu fo ba Sidadaun A ou B tuir regra demokrasia.

Ami PD lakestiona no laiha problema ho ida nebe atu troka Maun boot Xanana, ba ami laiha problema importante mak kotribui ho diak liu tan duke katuas sira, PD Prekoupa oinsa mak PD bele kontribui diak liu, dehan Prezidente Interinu Partidu Demokratiku Adriano do Nacimento ba Jornalista Kuarta (18/12/2013) iha Uma Fukun PN.

Hatan kona ba informasaun nebe espaila iha Publiku kuandu PM Xanana Rejigna Aan sei troka husi Agio Perreira, tuir Adriano katak atu se mak troka Sai Primeiru ministru laos problema boot tamba jerasaun tuan prepara kondisaun ba Jerasaun foun.

Iha parte seluk Ministru Prezidente Konseilu Ministru Agio Perreira katak nia parte nunka koalia nein ho ema ida kona ba asumi kargu Primeiru Ministru, no Primeiru Ministru Kay Rala Xanana Gusmao Rasik mos nia parte la koalia kona ba kestaun ne’e. Informasaun kompletu iha STL Jornal no STL Web, edisaun Kinta (19/12/2013). Timotio Gusmão

LEAVE A REPLY

Please enter your comment!
Please enter your name here