Ameasa Kesar Hahalok Laen ba Familia, Felismena Simu Purada Husi Silva

DILI-Tribunal Distrital Dili, Kuarta (13/11), halao julgamentu ba kazu violensia domestika, nebe Ministeriu Publiku akuza Domingos da Silva, hanesan arguido no Felismena Soares hanesan lezada.

Liu husi audensia julgamentu, tribunal deklara akuzasaun husi Ministeriu Publiku katak iha loron 19 Novembru 2012, lezada husu arguidu atu ajuda halo servisu ba lezada nia avo nia koro-metan. Maibe arguido lakohi, nemak lezada ameasa atu kesar ba familia kona ba hahalok husi nia keban nebe lakohi ba ajuda kaer servisu.

Iha audensia julgamentu ne’e, lejada la hola parte, tanba nia atu partus sira nia oan numeru hat. No tribunal rasik deside katak la presija ona lezada nia deklarasaun tanba laiha duvidas kona ba provas nebe iha. Arguidu rasik rekonese ho nia hahalok, no konfesa katak akuzasaun husi ministeriu publiko nee los hotu.

 Audensia julgamentu nee dirije husi Juis singular Dr. Jose Maria de Araujo, reprejenta Ministeriu Publiku Dra. Lidia Soares, no arguido hetan assitensia legal husi defensor Dr. Jose Soares da Silva.  Informasaun kompletu iha STL Web no STL Jornal edisaun, Kinta (14/11). Domingas Gomes

 

LEAVE A REPLY

Please enter your comment!
Please enter your name here