Arguidu Nain 2 Ataka L.A Ho Violasaun Seksual

DILI–Tribunal Distrital Dili (TDD) iha Tersa (08/10) horseik rona deklarasaun husi vitima ho inisial L.A.Q, nebe sai vitima ba hahalok at husi arguido nain rua, mak hanesan Eugenio Sarmentu ho Manuel da Silva.

 Akontesimentu nee akontese iha dia (17/05/2013) tuku 2 loraik, wainhira vitima ho nia doben tula malu ho motor husi Dili atu ba Manatuto. Husi Dili to iha Dolok oan Cristo Rei nian, sira para iha fatin nee tanba vitima nia doben atu soe be’e ki’ik.

 Sira para iha fatin oan nee, la kleur arguido rua nee mosu derpenti deit husi ailaran mai hodi ameasa vitima nia doben atu oho. Nunee vitima nia doben husik hela nia no halai husi fatin nee hodi ba kesar iha polisia estasaun Metinaro.

 L.A.Q hatete, fofoun arguido nain rua nee sei hase sira hodi dehan tanba sa sira mai namora iha nee, tamba Fatin nee, fatin sagradu. Nemak arguidu nain rua lori tudik ameasa vitima nia doben atu oho, nia doben mos ho motor halai husi fatin nee. Hodi nunee arguidu nain rua halo violasaun seksual ba vitima L.A.

Iha audensia julgamentu nee prejidi husi Juis koletivo Dr. Jose Maria, Dra. Fransisca Cabral, Dr. Duarte Tilman. Ministeriu Publiko reprejenta Dr. Luis Landin,  no arguido nain rua hetan asistensia legal husi Defensor Publiko Manuel Exposto. Informasaun kompletu iha STL Jornal no STL Web, edisaun Kuarta (9/10). Domingas Gomes

LEAVE A REPLY

Please enter your comment!
Please enter your name here