Aumenta Embaixda 4 Iha ASEAN, MNE Propoin Millaun 32 Resin

DILI- Tuir Palnu Governu Timor Leste liu husi Ministeriu Negosiu Estranjeiru (MNE) sei loke tan embaixada 4 iha Asean hanesan Loas, Myanmar, Kambodia no Brunei, tan ne’e MNE propoin osan millaun 32 iha OJE 2014.

Informasaun ne’e fo sai husi Vice Ministru Negosiu Estranjeiru Constancio Pinto katak iha 2014 Ministeriu Negosiu Estranjeiru Propoin Millaun 32 resin, tamba foin halo rekrutamentu funsionariu foun no mos loke embaixada 4 iha Asean.

2014 Ami propoin millaun 32, ami aumenta orsamentu tamba ami dadaun rekruta tan funsionariu foun, no mos sei loke embaixada 4 iha ASEAN nian hanesan Kambodia, Laos, Myanmar, no Bruney, dehan Vice Ministru Negosiu Estranjeiru Constancio Pinto ba Jornslita foin lalais ne’e iha Parlamentu Nasional hafoin halo Audensia ho Komisaun B.

Kona ba EJekusaun Orsamentu 2013, tuir Constançio katak iha orsamentu 2013 ejekusaun lao diak, tan ne’e too agora halo ona ejekusaun 73%, la konta ho komitmentu seluk nebe mak ministeiru halo.

Iha Fatin hanesan Prezidente Komisaun B Parlamentu Nasional, Maria Lourdes Bessa Informa audensia publika ho Ministeriu Negosiu estranjeiru hodi halo aniliza ba orsmentu atu hetan justifikasaun. Informasaun kompletu iha STL Jornal no STL Web, edisaun Sabado (16/11). Timotio Gusmao

LEAVE A REPLY

Please enter your comment!
Please enter your name here