Buka Tuir Autor Oho Estudante Iha Indonesia, Koperasaun PNTL Ho Indonesia Metin

DILI-Atu buka tuir autor nebe oho estudante nain rua iha Indonesia, maka oras nee Koperasaun entre Polisia Nasional Timor Leste (PNTL) ho Indonesia Metin, nunee bele kaptura hotu autor sira nee hotu.

Segundu Komandante PNTL, Komisariu Afonso de Jesus hateten ligasaun hosi polri no KBRI, no kordena ho sira no sira mos fo ona informasaun konaba akontesementu nebe hamate estudante Timor oan nain 2 iha Indonesia.

Tamba nee maka ita bele dehan koperasaun PNTL ho Indonesia metin, no ita mos akompania nafatin informasaun hosi neba, prosesu oras nee lao, ita hein deit informasaun hosi koperasaun sira nee, no ita iha nee mos kontinua atu alerta, karik suspeitu sira nee ema buka iha Indonesia laiha keta halai mai tiha ona iha nee, maka ita mos liu hosi koperasaun nebe iha ona atu hare suspetu sira nee kaer hodi entrega fali ba iha Indonesia atu nunee sir abele prosesu tuir Lei no orden Indonesia nian, hateten Afonso ba STL, iha nia knar fatin Caicoli Dili.

Iha parte seluk Reprezentante Povu iha uma fukun Parlamentu Nasional (PN), Deputadu Inacio Morreira mos kestiona katak, Polisia tenke esforsu kaptura autor sira nebe oho estudante nain rua, nebe mate iha Indonesia. Informasaun kompletu iha STL Jornal no STL Web, edisaun Sabado (23/11/2013). Madalena Horta

LEAVE A REPLY

Please enter your comment!
Please enter your name here