CPD-RDTL La Konkorda No Rekuza Liafuan Desmobilizasaun

DILI–Grupu Conselho Popular Democraticu ne’ebe kuinesidu ho naran CPD-RDTL hato’o sira nia deklarasaun, katak CPD-RDTL la konkorda no rekuza liafuan desmobilizasaun tanba funu nain sira ne’ebe fila an tiha ona ba kombatentes no veteranus, sira nia misaun lulik konaba libertasaun seidauk hotu.

Deklarasaun ne’e hato’o hosi portavos grupu CPD-RDTL Gil Fernandes da Costa ba jornalista sira, liu hosi konferensia imprensa ne’ebe halao iha sede CPD-RDTL Balide Kinta (15/08). Tuir nia katak CPD-RDTL la konkorda no rekuza lia fuan desmobilizasaun.

CPD-RDTL la konkorda no rekuza lia fuan desmobilizasaun tanba funu nain sira ne’ebe mak fila an tiha ona ba kombatetentes no veteranus sira nia misaun lulik konaba libertasaun seidauk kumpri hotu, CPD-RDTL mos la konkorda no la simu tanba desmobilizasaun ne’ebe malae sira hamutuk ho timor oan balu halo uluk hasoru organizasaun Falintil iha Aileu, loron 1 Febereiru 2001 ne’e sala bot ida ne’ebe sai fonte ka be matan dezastre nian ba estadu no povu maubere no CPD-RDTL mos la konkorda ho desmobilizasaun maibe aseita lia fuan transformasaun ka mudansa no reformasaun, tanba konsidera nudar prinsipiu justu e korentes ho prosesu de libertasaun,  hatete Gil.

Portavos CPD-RDTL ne’e mos hatutan tan katak CPD-RDTL fo hanoin diak katak veteranus tenke hela iha nia fatin estratejiku, nune’e la konkorda ho kombatentes veteranus ne’ebe atu sai fali orgaun tuteladu no hela iha institusaun ida hanesan Ministerio da Solidaridade (MSS) nia okos, tanba ida ne’e bele halo sira sai fali instrument ba ema sira ne’ebe kaer poder, nune’e mos veteranus sira laos patrimonia estadu. Informasaun kompletu iha STL Jornal no STL Web, edisaun Sesta (16/8). Tomas Sanches

LEAVE A REPLY

Please enter your comment!
Please enter your name here