Demokrasia Sei La Rezolve Buat Hotu

DILI – Xefi Governu Kay Rala Xanana Gusmao hateten demokrasia demais sei la resolve buat hotu iha rai laran, tanba hotu-hotu gosta maka hakilar malu.

Primeiru Ministru nebe hanesan mos Ministru Defeza no Seguransa Kay Rala Xanana Gusmão hateten demokrasia sei la resolve buat hotu, tamba ema hotu hakarak hakilar malu deit, maibe labele resolve buat ruma.

Demokrasia la resolve buat hotu iha mundu tomak hanesan iha Eropa demokrasia ne’ebe bot maibe to ohin loron hanesan deit, Portugal, Espanha, Fransa Italia no seluk tan agora hemu be iha tasi kidun neba tanba ne’e demokrasia laos katak ita hotu atu hakilar-hakilar hela deit hanesan iha Tailandia demostrasaun lor-loron komesa tuda no estraga tanba ida ne’e mak hau gosta tebes hare joventude TL partisipa hodi promove estabilidade, hatete PM Xanana Gusmao, liu hosi ninia deskursu iha Salao Joao Paulo II Comoro, wainhira partisipa iha diskusaun panel  foin sae sira Tersa (17/12).

PM Xanana mos hatutan ohin loron TL la konsege kria unidade nasional, tanba hasoru nia inimigu bot ida mak an rasik, balu mai atu hamosu revolusaun iha nasaun laran, maibe importante liu maka povu rai ne’e tenke moris hakmatek hodi bele dezenvolve nasaun ba oin.

Iha fatin ketak Vise Primeiru Ministru, Fernando La Sama de Araujo, hatete demokrasia ou direitu humanus laos katak ema hotu-hotu atu halo tuir ida-ida nia hakarak, maibe tenke tuir lei ne’ebe mak iha. Informasaun kompletu iha STL Jornal no STL Web, edisaun Kuarta (18/12/2013). Thomas Sanches

2 COMMENTS

  1. Iha TL povo maioria maka ho intelectualidade menus nia impactu ne maka ba balu-balu considera ou implementa democracia hanesan atu sai tradisi tena nebe sira uja para hodi tarata/insulta ema seluk ou tolok ema tuir sira nia hakarak…….sira la hatene katak democracia tuir nia dalan no lei….la os naran-naran arbiru deit……ne duni se karik TL uja dwi sistem “Democracia ho Semi Ditadura”……Obrigado

LEAVE A REPLY

Please enter your comment!
Please enter your name here