Deskonfia Buan, Arguido 9 Asaltu Gilberto Ho Nia Kaben

DILI-Tribunal Distrital Dili halao julgamentu ba arguidu nain 9 nebe halo asaltu ba lejadu Gilberto Fernandes ho nia kaben Wihelmina Meak nia uma iha uma Bidau Masau.

Liu husi julgamentu tribunal liu husi juis kolektivo lee sai akuzasaun husi Ministeriu Publiku katak, iha loron 30 Janeiro 2011 tuku 1 dader iha Bidau Santana, arguidu nain 9 mak hanesan Palmira, Jasinto, Luis, Eugenio de Jesus, Jose, Feliz, Clementino, Jose Grasiano no Rix Nelson lori tudiak, katana, ai, diman, samurai, fatuk hodi halo asaltu ba lejado nia uma. To iha uma, arguido sira tuda uma, baku rahun odamatan, foti mutiara musan 8  ho nia fatin.

Depois iha tuku 1 ho balun arguido lori lejado sira ba sulan iha Manuel nia uma hodi baku sira. Arguido Jose baku lejada dehan o mak fo fahi ulun ba hau nia Avo Maria han hodi mate. Hare ba hahalok nee ministeriu publiko akuza arguido sira ho krime 5 mak krime danu simplest, ofensas integridade simplest, furtu, ameasas no sequestro.

Depois lee tiha akuzasaun husi Ministeriu Publiko, tribunal adia fali julgamentu nee ba loron 30 de Junu hodi rona deklarasaun husi parte arguido sira. Audensia nee prejide husi juis kolektivo Julmira Auxiliadora, Zumiaty Freitas, Frasisca Martins. Reprejenta Ministeriu publiko prokurador Mateus Nessi no arguido nain 9 hetan asistensia legal husi defensor publiko Jose da Silva. Informasaun kompletu iha STL Jornal no STL Web, edisaun Tersa (24/06/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: