Deskonfia Lori Halai Motor, Agus Ameasa Tinan 3 Iha Kadeia

DILI-Ministeriu Publika liu husi alegasaun final kondena arguido Agustinho Piadade ho pena prizaun tinan 3, tanba lori vitima Oscar da Silva nia Motor ho marka Vixon halai ba Same.

Iha alegasaun MP husu ba tribunal atu kondena arguido ho pena prizaun tinan 3. Tanba tuir MP faktus aprovadu hotu, arguidu rasik mos rekonese akuzasaun nee los hotu. Tanba nee MP konsidera kondenasaun nee evita arguidu labele halo tan iha futuru. Iha parte seluk defeza husu ba tribunal atu aplika pena suspensaun deit ba arguidu. Tanba arguidu iha fen ho oan ne’ebe presiza nia atu sustenta.

Tuir akuzasaun husi MP nebe le sai husi juis presidenti Duarte Tilman katak, iha loron 25 Novembru 2013 arguido Agutinho ho nia kolega Junior ba festa krisma iha Becora, uza motor Vixon, Junior nia aman nian Oscar da Silva.

Iha festa laran arguidu husu ba Junior atu impresta motor ba hare nia tiun iha Bidau. Tanba Junior konsidera arguidu hanesan kolega nunee nia fiar hodi fo motor ba arguido atu ba hare nia tiun iha Bidau. Maibe hafoin fo motor nee arguidu la ba hare nia tiun iha Bidau. Arguidu lori kedas motor nee ba Same, depois arguidu mos troka hotu xapa motor nian atu nune bele fasilita arguido halo sirkulasaun.

Hafoin rona akuzasaun arguidu Agustinhu deklara katak, momentu nee nia laos naok ka atu lori motor nee halai. Bainhira nia ba hare tiha nia tiun iha Bidau. Nia kolega ida bolu nia atu ba Same asiste serimonia Dom Boaventura. Informasaun kompletu iha STL Jornal no STL Web, edisaun Kinta (15/5/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

%d bloggers like this: