Deskonfia Oknum Dotor HNGV Sona Mate Erosfita

DILI-Erosfita Fince Minador (39), wainhira halo tratamentu iha Hospital Nasional Gido Valadares  (HNGV) mate, tamba deskonfia hetan sona ho aimoruk husi oknum Dotor balun iha Hospital Nasional.

Kaben husi matebian Erosfita, Francisco Fernandes ba jornalista sira hateten, ho hahalok nee familia vitima ejiji ba HNGV atu responsabeliza. Tamba Erosfita ho nia kaben wainhira sai husi uma ho kondisaun moras bai-bain, hanesan isin manas no ulfatuk moras.

Sira bolu fali enfermeiru ida maka hasai, hasai hotu tiha ran, estaziariu nain rua nee nafatin atende, foti aimoruk nebee reseita mai husi dotor Kubanu, sira nain rua sona, hatama aimoruk neneik to’o miniutu 3 nia laran hanesan nee, nia sente aimoruk nee dumina ona nia laran, nia soe nia liman depois nia hakilar dehan hau la bele ona halo hau nia oin halai ona, aimoruk nee halo hau la tahan ona, depois hau rasik hakilar dehan nonok ba ema sona aimoruk nee para diak, hau hakat mai, nia nafatin soe nia liman dehan hau labele ona, depos nia hakilar hanesan nee bebeik nia liman husik ba mamar los ona, depois daun nee sei belit nafatin iha matebian nia  liman too mate, esplika Matebian nia kaben Fransisco, ba STL iha HNGV Bidau, Dili, Kinta (19/09/2013).

Nia aumenta tan katak konaba problema ida nee, prezisa HNGV tenki responsabelisa, tamba ema la bele sai instrumentu ba peskiza. Tuir nia katak waihira sira nain rua sai husi uma, too ospital tuku 3 liu miniutu 30 otl madrugada, depois nia mate iha tuku 4 liu miniutu 30 otl madrugada. Informasaun kompletu iha STL Jornal no STL Web, edisaun Sesta (20/9). Joao Anibal

LEAVE A REPLY

Please enter your comment!
Please enter your name here