Deskonfia Povu Timor Osidental Naok Riku Soin TL

DILI-Deskonfia populasaun balun iha area Betung husi Timor Osidental (Indonesia), Naok riku soin Timor Leste (TL) hanesan Ai kameli, Sukaer liu-liu Baniben, iha Suku Hare Kain, Sub Distritu  Fatumean, Distritu Covalima, tamba ne’e Prezisa Polisia Nasional Timor Leste tenki tau atensaun.

Kestaun ne’e hato’o husi deputadu bankada CNRT Jacinto Viegas Vicente katak populasuan husi osidental kada tinan sempre hasai bani be’en husi Timor, kuaze toneladas 200. Informasaun ne’e sira hetan husi populasaun sira nebe mai hato’o keixa iha PN.

Populasaun husi Timor Osidental nauk rikusoin TL liu-liu Baiben  Kada tinan nee sira hasai bani ben husi Timor, kuaze 200 toneladas, nee maka hodi bain hira populasaun iha neba mai kestiona iha nee, tamba nee se bele karik postu UPF ida tau iha suku  Harekain para bele kontrola sasan sira nee, tamba sira husi Area Indonesia nia koandu tama mai atu nauk sasan sira nee, sira sempre kria problema, tamba nee prezisa ita prevene se lae bele sai problema boot, dehan Deputadu Jacinto, ba Jornalista sira iha PN, Kuarta (24/7).

Iha parte seluk Joventude Covalima Leão Tavares hateten Problema deskonfia maluk sira husi Timor Osidental mai naok sasan iha area fronteira, nee kleur ona no sira fo’o hatene ona ba PN no governu, maibee to’o agora sei dauk tau atensaun. Informasaun kompletu iha STL Jornal no STL Web, edisaun Kinta (25/7). Joao Anibal

1 COMMENT

LEAVE A REPLY

Please enter your comment!
Please enter your name here