Deskonfia Sunu Kompania Rekoba, FF Tama Prisaun Preventiva

DILI– Deskonfia Suspeitu ho naran Inisial FF nebe involve iha asaun sunu edifisiu kompania Rekoba Lda, iha suku Kuluhun, Sub-Distritu Kristu Rei, Distritu Dili, Tersa foin lalais tama ona prizaun preventive hafoin halao primeiru Interogatoriu iha Tribunal Distrital Dili.

Suspeitu FF submete ba audensia primeriu interogatoriu iha Tribunal Distrital Dili, hahu iha Tuku 10:00 dader to’o tuku 15:00 lokraik. Hodi presta nia deklarasaun ba tribunal kona  suspeitu nia involvimentu iha asaun sunu edifisiu Kompania Rekoba,Lda.

Tuir kronologia akontesementu nebe fo sai husi vitima Isabel Adalgiza Reis Pereira, nudar nain  kompania katak suspeitu FF nudar nia alin mane ikun, problema entre feton ho nan hadau malu rikusoin eransa rai husi aman nebe entrega ona nain lima atu fahe malu, tanba rai kiik la konsege fahe, suspeitu nudar alin mane resulta sunu edifisiu kompañia Recoba Lda, iha Tersa (16/7) tuku tolu dader.

Isabel informa katak Durante ne’e iha ona problema konaba eransa rai nebe mak aman entrega ona oan sira, maibe vitima nudar feto hakarak hakuak maun hotu, tan ne’e rai kikoan labele fahe ba ema nain lima husik halo uma bo’ot atu loron matebian ruma, maun alin hamutuk iha ne’e. Informasaun kompletu iha STL Jornal no STL Web, edisaun Sabado (20/7). Timotio Gusmão

LEAVE A REPLY

Please enter your comment!
Please enter your name here