Dezemvolve Aktividade Parpol, CNE Vizita STL Corp

DILI-Atu Dezemvolve Aktividade Partidu Politika (PORPOL) nebe Ejiste iha nasaun Timor Leste, nune eleitor hatene programa Partidu sira nian laos iha tempu elesaun deit mak Komisaun Nasional das Eleisaun (CNE) vizita Suara Timor Lorosae Coorporation (STL Corp) atu serivisu hamutuk.

Ekipa CNE nebe mak halao vizita STL CORP kompostu husi Prezidente CNE Jose Agostinho da Costa Belo, Komisariu Arief Abdullha Sagran, Komisaria Terezinha Cardoso ho komitiva hansan Asesor, Diretor Nasional no mos Xefi Departamentu.

Remata Vizita Prezidente CNE Jose da Costa hatete Vizita CNE halao Vizita STL nebe iha posibilidade atu servisu hamutuk, atu fo sai Aktividade CNE tamba CNE iha planu importante promove diskusaun no dezemvolve aktividade partidu sira nian.

Ami hanoin media nee’e importante atu fo sai imazen partidu sira nian kria diskusaun nebe mak diak atu nune antes too iha elisaun partidu sira iha ona sira nia membru nebe sufisente hodi tama iha kampnia no elisaun, dehan  Prezidente CNE Jose da Costa  iha Edifisiu STL Corp Surikmas Fatumeta Dili.

Iha fatin hanesan Prezidente STL Corp Salvador Januario Ximenes Soares hatete, durante CNE moris to’o oras nee’e foin mak halo vizita primeiru STL Corp, tamba ne’e sai hanesan orgoilu boot ida ba STL. Informasaun kompletu iha STL Jornal no STL Web, edisaun Sesta (27/9). Timotio Gusmão

LEAVE A REPLY

Please enter your comment!
Please enter your name here