Dinisio Babo: “Hela Iha Uma No Rai Estadu Tenke Selu Tasa”

DILI–Tama iha 2014 povu Timor Leste ne’ebe mak hela iha uma uma no rai estadu, sei selu hotu tasa ba estadu tanba uma no rai sira ne’ebe mak estadu Indonesia husik hela hanesan mos estadu Timor Leste.

Informasaun ne’e hato’o hosi Ministru Justisa (MJ), Dinisio Babo, ba STL iha Lecidere Sabado, (21/09) foin lalais ne’e.

Uluk iha Primeiru Governu Konstitusional ne’ebe mak lidera hosi eis Permeiru Ministru (PM), Mari Alkatiri, komesa tiha ona halo rejistu ba properiodade ne’ebe mak uluk ema Indonesia soe hela ida ne’e tama ona iha estadu nian, uma sira ita ba okupa ne’e laos ita nian tanba estadu mak administra tanba ne’e ita tenke selu tasa ba estadu iha tinan 2007 eis Prezidente, Ramos Horta, haruka para tiha tanba ita iha krizi nia laran maibe agora krize liu tiha ona estadu atu komesa fali ona atu ema selu tasa kuandu hela iha uma no rai estadu nian, hatete Babo.

Ministru Justisa ne’e mos hatutan tan katak wainhira tama iha tinan 2014 husu atu ema ne’ebe mak hela iha uma estadu komesa fali ona selu tasa ba estadu atu nune’e ema hotu iha hanoin atu labele ejiji mak estadu deit maibe tenke kontribui mos ba estadu tana se sidadaun la selu TL atu foti tan osan iha ne’ebe hodi halo dezenvolvimentu.

Iha fatin ketak tuir Manager Program Asosiasaun Hak Asasi Manusia ou Direiru Humanus, Sisto do Santos, atu selu tasa ba estadu ne’e normal maibe importante mak hamosu regulamentu ida ne’ebe mak klaru atu nune’e komonidade sira labele konfujaun. Informasaun kompletu iha STL jornal no STL Web, edisaun Tersa (24/9). Tomas Sanches

LEAVE A REPLY

Please enter your comment!
Please enter your name here