Diskute Malu to Baku Ferik Oan, Mauriçio Selu Pena Multa $ 120

DILI-Tanba deit diskute malu no liafuan la kona malu, ikus mai hamosu violensia domestika entre arguido Mauriçio da Costa no lezada Odalia Piedade da Cruz. No ikus mai tenke ba hatan iha tribunal, arguido tenke selu multa $120 ba tribunal.

Liu husi audensia julgamentu tribunal Juis presidenti Antonio Helder Viana lee sai akuzasaun husi Ministeriu Publiku katak iha Marsu 2011, arguido ho kareta soke lezada nia kareta. Depois iha Julu 2011 arguido telfone ba lezada nebe ba iha nia inan nia uma Pantai Kelapa hodi hasoru malu iha Embaixada Australia oin.

Iha hasoru malu nemak arguido baku lezada nia kabun, liman no ain. Arguido baku halo lezada nia isin bubu to metan, nunee lezada sofre kedas moras no ba halo kedas tratamentu iha ospital nasional guido valadares.

Iha fatin hanesan arguido Maurisio hatete, akuzasaun nee los hotu. No nia mos rekonese katak nia halo duni violensia ba nia kaben Odalia iha fulan Marsu 2011 no iha Julu 2011. Maibe depois problema nee, nia rejolve tiha ho nia kaben no sira nain rua moris hamutuk ona hanesan fen ho laen antes mai hatan iha tribunal.

Entertantu lezada Odalia Piedade da Cruz liu husi julgamentu hatete, iha Marsu 2011 no Julu 2011, arguido halo duni violensia tuir buat nebe mak nia keixa ona ba iha ministeriu publiko. Maibe hanesan fen ho laen, sira nain rua diak malu ona no moris hamutuk. Informasaun kompletu iha STL Jornal no STL Web, edisaun Kuarta (20/11/2013). Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...

Pozitivu Covid-19 Nain 161, Rekoperadu 126

DILI, STLNEWS.co - Ohin loron 15 fulan Maiu hodi Centro Integradu Gestão de Crises, Sala Situação (CIGC-SS), rejistu kazu Covid-19 pozitivu hamutuk nain 161,...

Tinan Barak Komunidade Maslidun La Asesu Bee Mos

DILI, STLNEWS.co - Durante tinan barak nia laran, komunidade iha Maslidun, Lagoa 2 la asesu bee mos, tanba nee obriga sira sosa deit bee...
%d bloggers like this: