Ema Estrangeiro Bele Hetan Pasaporte

DILI- Jogadores Timor oan nain lima nebe mai husi Portugal hodi halo pasaporte iha Timor Leste, hodi bele partisipa mos iha eventu desportu iha rai liur, hamosu pro-kontra iha komunidade nia let, liu-liu sira nebe mak fens ba desportu tebe bola.

Relasiona ho kestaun ne’e Directora Geral Registu Notariado Maria Fatima hatete, jogador nain lima nebe foin mai halo pasaporte iha loron hirak liu ba, ne’e laos ema estrangeiro original. Maibe tanba sira nia inan ema Timor no aman ema Timor nemak sira mos iha direitu atu hetan pasaporte hanesan mos ema Timor oan.

Hanesan jogador sira sai ba nee mos hanesan emergensia hotu, tanba sai ba nee lori nasaun ida nia naran.  No atu hetan susesu, entaun ita mos tenke fasilita ho lalais. Para Timor nia naran mos bele konesidu iha mundo desportu nian. Nee foti desizaun ruma hodi bele fasilita jogador sira hodi realiza jogu iha rai estrangeiro. Jogador nain hirak foin mai nee, sira halo ho emergensia liu hodi aprenjenta sira nia sertidaun. Tanba sira atu lao ona ba jogu, entaun foti kebijaksanaan ida hodi foti karta pedida husi desportu para asegura serviso ida nee hodi sira mos marka presensa, dehan Maria ba jornalista iha nia knar fatin Bebora, Segunda (06/01).

Josefino Soares nudar membru jogador husi klubu Chelsea Tasitolu hatete, nia parte la satisfas ho jogador estrangeiro nebe mai hola parte iha jogu nebe mak governu realiza. Tanba sira nee kleur iha ema nia rai, maibe mai hetan kedas oportunidade halo pasaporte hodi ba liur. Informasaun kompletu iha STL Jornal no STL Web, edisaun Tersa (7/1/2014). Domingas Gomes

2 COMMENTS

  1. Entaun senhora Maria Fatima faz favor fo Passaporte emergensia timor ba hau nia fen lai..? tamba ami nain rua kaben foin mak tinan tolu i durante tinan tolu nia laran hela mos iha timor i depois iha oan ida ona (hau nia fen ema Colombia) hanoin logica hau nia fen mos iha diritu bele hetan ona passaporte timor emergensia karik? Sekarik ema hotu-hotu hakruk ba lei konaba sidadaun ?ataukah ada pasal -pasal yang mengatur tentang orang-orang yang di istimewakan oleh negara TL ??? dehan M A R I A F A T I M A notariado nia bainaka mak hatete…Obrigado..!!

    • Sra. Maria Fatima,iha ka lae lei kona-ba emergensia? atu hetan pasaporte, (hau duvidas hela) sekuandu iha entaun parabens deit, sorin seluk, relasaun ho desizaun hodi fo pasaporte ba jogador nain lima husi portugal nebe hetan pasaporte Timor nebe reprezenta hodi partesipa eventu Sea Games 2013, tuir hau nian interpretasaun katak, viola ona lei penal karik? karik hanesan entaun bele hetan pena tinan 2 to’o tinan 8, wainhira funsionariu publiku mak komete,Adeus, Lian Lulik Timor.

LEAVE A REPLY

Please enter your comment!
Please enter your name here