Estraga Sasan Edifisiu, Lejadu Husu Selu US$3000

DILI-Tribunal Distrital Dili (TDD) halao julgamentu ba kazu estraga sasan edifisio igreja kristaun iha Aileu, konta ba osan hamutuk US$3000, nebe Ministeriu Publiko akuza arguidu nian walu (8).

Iha audensia julgamentu, Tribunal liu husi Presidenti juis kolektivo Jose Maria de Araujo lee sai akuzasaun husi MP katak iha loron 14 Novembru 2008, tuku 10 dader arguido Jose Martins baku lejado Marcus No arguido Deometro Magno, Januario Mendonça Crispin Faria, Florindo Mendonça, Natalino Alves, Mario Lekifelu no Selestinu da Costa, sira mak estraga edifisio kristaun nebe loke iha distritu Aileu.

Iha julgamentu arguido Deometrio Magno hatete, asaun nebe sira halo ba igreja kristaun nee tanba fofoun ba iha neba pastor Marcus dehan ba komunidade sira katak edifisio nee halo para atu enkoraja jovem sira iha fatin nee. Maibe no fim lejadu dada fali sarani sira iha fatin nee hodi tama ba religiaun seluk no sarani subar-subar labarik kiik sira sem konesementu husi inan aman.

Iha fatin hanesan arguidu Crispin Faria hatete, halo rahun edifisio konstruksaun igreja kristaun tanba la aseita ho situasaun nebe mosu iha suku nee nia laran. Tanba lejado loke fali igreja hodi sarani labarik sira iha suku neba.

Iha biban nee testamunha Julio Pires hatete, sasan nebe arguido sira estraga nee balun sira uza fali hodi tau iha igreja kristaun nebe loke iha Aileu. Maibe sasan seluk mak oras nee dadaun sira mos buka hela osan para hadia no sosa fali sasan nebe at iha tinan hirak liu ba. Informasaun kompletu iha STL Jornal no STL Web, edisaun Kinta (13/3/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Negosiante OB Manleuana Labele Okupa Estrada

DILI, STLNEWS.co - Koordenador merkadu Manleuana, Julio Caldas, husu ba negosiante obralan labele dada lona tama ba estrada publiku, tanba nee movimentu kareta no...

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...
%d bloggers like this: