Estranjeiru Sosa Rai Iha TL, FRETILIN Husu Presiza Halo Sosializasaun Ba Povu

DILI-Relasiona ho ema estranjeiru nebe’e mak oras ne’e gosta sosa rai iha Timor Leste  (TL), bankada Opozisaun FRETILIN iha uma fukun Parlamentu Nasional (PN) husu ba governu presiza  halo sosializasaun ba povu sira bele kompriende.

Kestaun ne’e hato’o husi deputadu Pulino Moniz husi bankada Fretilin, katak governu persiza halo sosializasaun ba povu tomak, hodi husu ba povu atu hapara fa’an rai ba ema estranjeiru, tamba liu husi sosializasaun mak povu bele hatene.

Ita nia governu presiza halo sosializasaun ba povu tomak katak, Timor oan ida nunka atu fa’an ninia rai ba ema estranjeirus,so liu husi ita nia sosializasaun mak sira bele kompriende saida mak governu no povu nia hakarak, se ita kolia mak lei deit ema uja rai no uma, hateten Deputadu husi bankada FRETILIN Paulino Moniz ba Jornalista liu husi  liu husi sesaun plenaria iha uma fukun PN Segunda  (30/09).

Deputadu bankada PD Virgilio Hornai hateten, ho sentimentu nebe’e mak ema Timor oan gosta fa’an sira nia rai, aban bain rua presiza regulariza, se nia fa’an duni ema estranjeirus mak sei lakon, se ema Timor oan mak hatene lei depois fa’an nia rai ba ema estranjeirus buka meius oinsa mak atu halo fali lei operais ruma para atu hare katak, ne’e krime. Informasaun kompletu iha STL Jornal no STL web, edisaun Tersa (1/10). Jasinta Sequeira

LEAVE A REPLY

Please enter your comment!
Please enter your name here