Eventu Tour de Timor Dili-Baucau Malaysia vensedor I To’o III

BAUCAU- Eventu  Internasional, Tour de Timor  2013 nebe governu liu husi Ministeriu Turismu organiza, ba iha loron dahuluk husi Dili-Baucau ho distansia 122 Kilometru, Nasaun Malaysia okupa primeiru to’o terseiru lugar.

Observasaun STL iha tereinu ba kompetisaun eventu Tour de Timor, iha loron dahuluk Segunda (02/09) ho rute Dili to’o Baucau, hahu husi Palasiu Governu nebe komesa husi  tuku 07:30,      atleta sira kontinua viazen to Baucau kuaze oras hat ou lima nia laran.

Ba klase mane Internasional sai hanesan vensedor primeiru mak Hamir Bin Amir husi malaysia ho numeru bisikleta 01, tama iha garis finish ho tempu horas 4:26:44.

Vensedor Segundu Mak Mhod Shari husi Malaysia ho numeru bisikleta 189 tama iha garis finish ho tempu 4:26: 46 no Vensedor ba III mak Muhamad Raihan husi Malaysia ho numeru bisikleta 188 tama iha garis finish ho durasaun 4:26:27.

Klase Internasional feto I vensedor mak Francelina Cabral husi Timor Leste ho Numeru bisikleta 11 tama iha garis finish ho tempu 5:37:36, vensedor II Susan Marx husi Cavo Verde ho numeru bisikleta 12, tama iha garis finish ho durasaun tempu 5: 42:30, Vensedor  III mak Laura Lion husi Singapura ho  numeru bisikleta 31, tama iha garis finish ho oras 6:26:26 Informasaun kompletu iha STL Jornal no STL web, edisaun Tersa (3/9). Timtio Gusmão

LEAVE A REPLY

Please enter your comment!
Please enter your name here