F-FDTL-PNTL La Autoriza Veteranus Partisipa Ho Farda Iha Craras, La Sama: Povu Labele Trauma

Kraras- Falintil Forsa Deveza Timor Leste (F-FDTL) ho Polisia Nasional Timor Leste (PNTL), la autoriza Veteranus ka komunidade bai-bain, atu partisipa iha seremonia loron 28 Novembru, nebe halao iha Craras ho farda.

Tuir vise Primeiru Ministru Fernando La Sama de Araujo katak Seremonia loron 28 Novembru ne’e, selebra tinan 36 proklamsaun independensia Timor Leste, no masakre Craras ba tinan 30, komunidade lalika trauma.

Hau hanoin komunidade lalika trauma arbiru, tanba ita iha forsa hanesan F-FDTL, PNTL,  Nebee tenke moris hakmatek, komunidade lalika se tilun, tanba dala ruma ema sira lansa isu ne’e iha  interese ruma, hateten La Sama ba Jornalista sira iha Craras, Viqueque, Tersa (26/11/2013).

La Sama mós fiar katak povu agora ne’e diferente ho povu ne’ebé iha tempu uluk, tanba povu agora hakarak ba oin moris di’ak, hodi bele partisipa iha prosesu dezemvolvimentu nasionál nebe lao daudaun.

Tuir Vise Primeru Ministru ne’e katak seguransa la’os de’it iha F-FDTL ho PNTL nia liman, maibé xave seguransa maka komunidade, tanba prosesu dezemvolvimentu atu la’o avansadu komuniadade mós tenke fó kontribuisaun masimu.  Informasaun kompletu iha STL Jornal no STL Web, edisaun Kuarta (27/11/2013). Joao Anibal

2 COMMENTS

LEAVE A REPLY

Please enter your comment!
Please enter your name here

NEWS UPDATE

Seminarista Balide Agradese Xanana & Timor Oan iha Estranjeiru

DILI, STLNEWS.co - Seminarista sira husi Eskola Seminariu Nossa Senhora Fatima (SENOFA) Balide, Dili, agradese ba domin boot husi Lider Istóriku Kay Rala Xanana...

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....
%d bloggers like this: