Faru Foun Halo Fen Laen Baku Malu

DILI-Alberto Pinto tenke baku nia kaben Maria dos Santos, tanba deit lejada fo arguidu nia faru foun ba sira nia oan mane hatais.

Tuir akuzasaun husi Ministeriu Publiko katak, iha loron 13 Maio 2013 lezada foin fila husi Eraulu ba hader estatua Nosa Senhora nebe tau iha suku Eraulu Sub-Distritu Ermera Distritu Ermera. To iha uma arguido ho lezada nia oan mane bot nee mos foin mai husi Dili. Nunee arguido nia oan hatais tiha faru foun ida neebe lezada sosa ba arguidu.

Depois lezada mos koalia tuir katak faru nee arguidu la hatais soe hela mak nia fo ba nia oan hatais. Rona lezada koalia halo arguidu nervozu tolok lezada. Lezada mos fila hatan arguidu nia liafuan nee hodi lao dadaun ba dapur. Bainhira lezada foin atu hakat tama ba dapur laran arguido rasta lezada. No tuku lezada nia rentos dala ida halo lezada nia ulun kona tembok no ran sai makas husi lezada nia ulun.

Ho hahalok arguido nian nee MP akuza arguido ho krime violensia domestika tuir artigu 145 konjuga ho krime onfensa integridade fisiku simples tuir kodgu penal TL.

Hafoin rona tiha akuzasaun arguidu deklara katak loron akontesementu nee la los tuir nia los mak iha loron 21 laos loron 13. Arguido mos rekonese katak problema nee tanba faru nee duni. Arguido mos arepende ho nia hahalok nee no promete iha futuru sei la halo tan. Informasaun kompletu iha STL Jornal no STL Web, edisaun Tersa (13/5/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co - Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun...

Projetu Neebe Finaliza, Governu Tenke Halo Pagamentu

DILI, STLNEWS.co - Reprezentante povu iha uma fukun Parlamentu Nasional, (PN) husu ba governu atu halo pagamentu ba projetu 44 neebe kompania sira finaliza...

Numeru Covid Aumenta, Adriano: Fatin Ba Pasiente Grave La iha

DILI, STLNEWS.co - Deputadu Adriano do Nascimento hatete, kada loron numeru Covid-19 iha Timor Leste kontinua aumenta ba bebeik, maibe fasilidade liu liu ba...
%d bloggers like this: