FRETILIN Koa Osan Viazen Membru Governu Ba Rai Liur

DILI–Relasiona ho viajen membru governu ba rai liur iha tinan kotuk barak la fo benefisiu ba povu no nasaun ida ne’e, iha tinan ne’e bankada FRETILIN hatama proposta 300 resin inklui mos koa ou redus osamentu viajen membru governu sira nian wainhira remata debate Orsamentu Jeral Estadu (OJE) 2014.

Tuir deputadu hosi bankada FRETILIN, Estanislao da Silva, ba jornalista sira iha uma fukun Parlamentu Nasional (PN), Tersa (14/01) hatete total proposta ne’ebe mak bankada FRETILIN hatama hodi koa osan ne’e barak, tanba hare ba kapasidade ezekusaun orsamentu hosi membru governu balu la diak.

Proposta ne’ebe kea mi aprejenta total osan ne’ebe kea mi propoin para atu koa ne’e barak hosi osamentu ida 1,5 Miloens dolar ne’e ami hanoin katak bot liu wainhira ita hare ba kapasidade governu nian iha 2013 tanba ne’e ami halo proposta hodi redus, ami la bok programa ami hare katak osan iha ministerio balun husu osan maibe laiha justifikasaun klaru konaba viajen ba estranjeiru nian ne’e ami koa makas, ba salari, veteranus, ferik katuas no seluk tan ne’e ami la bok capital menor mos ami koa tanba iha ona kareta no komputador mos hakarak hola tan, hatete Estanislao.

Orsamentu ba infrastrutura tuir Estanislao, sira koa tanba bo’ot demais nomos hare ba kapasidade ejekusaun Ministeriu ninian, tanba ne’e bankada FRETILIN propoin hodi redus tanba hare ba projeitu balu halo to’o tinan 4 ou 5.

Iha fatin hanesan deputadu FRETILIN, Aurelio Freitas Ribeiro, hatete bankada FRETILIN hatama proposta ho nia objetivu atu redus osan ne’ebe maka governu propoin, liu-liu orsamentu viajen membru governu ba rai liur ne’ebe la klaru. Informasaun kompletu iha STL Jornal no STL Web, edisaun Kuarta (15/1/2014). Thomas Sanches

1 COMMENT

  1. Koa-osan ba viazem iha rai-liur ne’e ideia di’ak no furak tebtebes…Tanba dala-barak ita hotu hatene katak membru guvernu sira kuandu halo viazem ba rai-liur hanesan fali ba PASIAR hodi fila fali mai GAVA EMA NIA-NASAUN too haluha tiha saida mak Nia atu halo ba NIA NASAUN RASIK…”Di’ak liu reduz tiha osan ba aktividade folin-laek sira ne’e”..!!!

LEAVE A REPLY

Please enter your comment!
Please enter your name here