Governu Presiza Implementa OJE ho Diak, PN Sei Mantein Fiskalizasaun Iha Baze

DILI- Maski Orsamentu Jeral Estadu (OJE) aprova ona, maibe to’o agora ema barak mak kestiona katak, governu presiza implementa orsamentu ne’e ho diak, no tuir ninia dalan, tanba to’o agora area barak mak presiza atu hadia iha rai ida ne’e.

Preokupasaun ne’e hato’o husi deputadu bankada Fretilin Francisco Miranda Branco katak ministeriu hotu-hotu tenki implementa OJE ho diak, no Parlamentu sei kontinua halo fiskalizasaun ba membru governu sira.

Hau senti orsamentu jeral do estadu, ida mak fiskalizasaun previa husi tribunal de kontas, Ministeriu hotu-hotu tenki implementa OJE ho diak, tanba iha fulan hira ona mak PN aprova tia ona OJE ba iha  Ministeriu no Sekretariu estadu ida-idak, tanba ne’e, ami husi PN rasik mos sei kontinua nafatin halo fiskalizasaun ba membru governu sira nia programa liu-liu ba orsamentu ne’e, dehan Branco ba STL iha uma fukun PN Segunda (22/07).

Deputadu bankada CNRT Mateus de Jesus hateten, osan sira ne’e Parlamentu Nasional aprova atu governu bele responde povu nia preokupasaun, maibe husu atu governu bele jere osan ne’e tuir planu nebe’e maka iha. Informasaun kompletu iha STL Jornal no STL Web, edisaun Tersa (23/7). Jasinta Sequeira

LEAVE A REPLY

Please enter your comment!
Please enter your name here