Governu TL ho Indonezia Sei Diskuti Vistu Gratuita

DILI—Tempu badak, Governu Timor Leste (TL), sei halo enkontru ho Indonezia iha TL, hodi diskuti kona ba implementasaun vistu gratuita ba komunidade Fronteira, vistu ba diplomatika, no vistu servisu nian.

Tuir Vise Ministru Negosiu Estranjeiru no Koperasaun (MNEK), Costancio Pinto ba jurnalista iha Ministeriu Finansa, Dili, Sesta (16/8), katak kona ba implementasaun vistu gratuita, oras ne’e sei iha diskusaun nia laran. Maibe kona ba border pas, governu fatin rua ne’e hahu implementa tiha ona ba suku balun iha Franteira.

Ita iha fulan ida ne’e nia laran sei halo inkontru ho Indonezia, hodi diskuti klean liu tan kona implementasaun Vistu Gratuita ba iha komunidade sira ne’ebe hela iha lina Fronteira, nia hatete.

Borde pas oras ne’e atu implementa tan iha fatin tolu, Memo (Maliana), Pasabe (Oecuse), Salele (Suai). Kona ba Visitu gratuita atu tama sai Fronteira deit ho distansia kilometru ida, sira labele liu husi ida ne’e, atu fasilita populasaun sira iha fronteira hodi faa’n sira nia sasan. Informasaun kompletu iha STL Jornal no STL Web, edisaun Sabado (17/8). Oscar Salsinha

LEAVE A REPLY

Please enter your comment!
Please enter your name here