Governu Xina Entrega Sentru de Estudos Diplomaticos De TL ba MNE

DILI – Atu dezenvolve rekursu humanus Timor Leste ho kualidade diak no lori TL nia naran ba mundu Internasional, TL persija hasae kualidade rekursu humanus atu hamosu diplomata sira ne’ebe kompete no professional.

Tuir Ministru Negosio Estranjeiru Interino, Constançio da Conceição Pinto, ba jornalista sira iha servisu fatin Kinta (19/12), hatete edifisiu ne’ebe maka governu Xina ofrese ona ba governu TL ne’e, sei uza hodi fo treinamentu ba diplomatikus sira ho skill ne’ebe mak diak hodi halo servisu.

Institutu diplomatiku ne’e governu TL sei uza atu fo treinamentu ba ita nia diplomata sira ho skil ne’ebe mak diak atu nune’e sir abele halo sira nia servisu iha rai laran no rai liur ho profesionalismu no institute ne’e rejultadu hosi negosiasaun entre nasaun rua ne’e iha tinan 2012 ho ida ne’e hatudu ba ita katak governu China kontinua partisipa iha prosesu konstruksaun iha ita nia rai laran tanba ne’e ita agradese tebes ba povu China nia komitmentu atu kontinua ajuda povu TL, hatete Pinto.

Iha fatin hanesan tuir Embaisador Xina iha Timor Leste, Tian Guanfeng, hatete governu Xina sente kontente tebes tanba bele servisu hamutuk ho governu TL, iha prosesu konstruksaun ba nasaun foun ne’e. Informasaun kompletu iha STL Jornal no STL Web, edisaun Sesta (20/12/2013). Thomas Sanches/Timotio Gusmao

LEAVE A REPLY

Please enter your comment!
Please enter your name here