Grupu Deskoinesidu Asaltu Uma Populasaun-Edifisiu Estadu

DILI-Grupu deskoinesidu semana kotuk kuaze tuku ida kalan oras Timor Leste, asaltu Edifisiu transporte Trestre iha Maliana, konsege foti komputador no dokumentus, inkliu edifisiu registu Distritu Bobonaro ho uma privadu tolu, no konsege hakanek ofisial Polisia Nasional Timor Leste nain ida.

Informasaun ne’e fo sai husi Deputadu bankada PD Adriano Joao liu husi Sesaun Plenaria, Tersa (11/02/2014) iha Uma fukun Parlamentu Nasional (PN) katak grupu deskoinesidu Asaltu uma populasaun no mos esdifisiu estadu iha sub Distritu Maliana no Sub Distritu Bobonaro.

Iha semana kotuk ema deskoinesidu asalta edifisiu diresaun rejional transporte terestre iha Maliana foti hotu komputador no mos dokumentus nebe mak iha nauk hotu, ema deskoinesidu nee’e hatais metan hotu tama iha kalan boot kuaze tuku 1 ou 2 kalan, dehan Deputadu Adriano Joao.

Deputadu Bankada PD ne’e hatutan ho Problema nebe maka iha defikulta servisu ofisial sira, atu halo atendementu ba sidadaun sira nebe maka halo tratamentu ba sira nia karta kondusaun tamba dukumentus nebe maka iha ema naok hotu.

Too informasaun ne’e STL hatun Seidauk halo Konfirmasaun ho Administrador distrito Maliana no mos Institusaun relevante, relasiona ho kazu grupu deskoinesidu sira nebe maka asaltu uma populasaun nomos edifisiu estadu nian iha Sub Distritu Maliana nomos Sub Distritu Bobonaro distrito Bobonaro. Informasaun kompletu iha STL Jornal no STL Web, edisaun Kuarta (12/2/2014). Timotio Gusmão

LEAVE A REPLY

Please enter your comment!
Please enter your name here