Hadau Malu Osan Mean, Maria Simu Tuku-Tebe

DILI-Maria Vilar Moreira nebe Ministeriu Publiku (MP) notifika hanesan lezada, tenki simu tebe husi nia kaben Luis Oliveira nebe MP notifika hanesan arguido. Tanba lezada ho arguido hadau malu oan hanesan osan mean mundu nian.

Tuir arguido katak, iha loron 23 Fevereiru 2013, iha Osindo lezada ba foti labarik iha uma arguido nian iha Rai Kotuk sein fo hatene ba arguido hanesan aman. Nunee arguido hirus hodi baku lezada dala ida halo lezada monu ba rai no tebe lezada nia kabun.

Nia informa ba tribunal katak, labarik nee hela ho arguido hahu iha tempu krize 2006, bainhira lezada ho arguido fahe malu i arguido hola fali feto seluk. Iha Tribunal arguido mos arepende ho nia hahalok ne’e promete ba tribunal sei la halo tan iha futuru.

Hafoin rona tiha deklarasaun arguido, tribunal fo tempu ba parte MP no defensor publiku atu halo alegasaun. Iha alegasaun parte MP husu ba tribunal atu aplika pena nebe justu, tanba tuir MP arguido konfesa nia hahalok duni no arepende hahalok ne’e i promete sei la halo tan. Informasaun kompletu iha STL Jornal no STL Web, edisaun Kuarta (4/12/2013). Domingas Gomes

LEAVE A REPLY

Please enter your comment!
Please enter your name here