Halo Violensia ba Oan-Fen, Antonio Hasoru Tribunal

DILI-Tribunal Distrital Dili (TDD), Segunda (27/01) halao julgamentu ba kazu violensia, krime ofensas ba integridade fisika simplest. Iha kazu ne’e Ministeriu Publiku akuza Antonio de Fatima Simoes nudar arguido no Natalia Alves Correia nudar lezada

Iha audensia, Tribunal le’e sai akuzasaun husi Ministeriu Publiku katak iha loron 26 de Junu 2013, maismenus iha oras 13h00, iha uma, iha Maubara- vila lejada ho arguidu deskuti malu tanba deit lejada la konkorda arguidu baku sira nia oan Mersion de Fatima da Cruz nia ulun.

Husi diskusaun nemak halo arguidu hirus hodi basa dala ida iha lejada nia ulun no basa dala rua iha lejada nian liman kabun. Konsekuensia husi arguidu nian halo lejada hetan moras iha ulun no hetan moras iha liman.

Ho hahalok nee Ministeriu Publiku akuza arguidu hanesan autor material nebe komete iha krime ofensas ba integridade fisika simplest hasoru nia fen, nebe previstu no punido tuir artigu 145 numeru 1 husi kodigu penal I, artigu 3 alinea a, no artigu 35 alinea b husi lei kontra violensia domestika lei numeru 07/2010 de 07 de Jullu.

Iha fatin hanesan lejada Natalia deklara, arguidu baku duni nia tanba nia parte la simu ho nia kaben nebe hanorin oan ho baku deit. Tanba nemak nia hasai liafuan nebe la kona nia kaben nia laran, hodi nunee arguidu fila hodi baku nia. Maibe depois akontesimentu, nia parte perdua ona nia kaben no sira moris hamutuk ona hanesan fen ho laen. Informasaun kompletu iha STL Jornal no STL Web, edisaun Tersa (28/1/2014). Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...

Pozitivu Covid-19 Nain 161, Rekoperadu 126

DILI, STLNEWS.co - Ohin loron 15 fulan Maiu hodi Centro Integradu Gestão de Crises, Sala Situação (CIGC-SS), rejistu kazu Covid-19 pozitivu hamutuk nain 161,...

Tinan Barak Komunidade Maslidun La Asesu Bee Mos

DILI, STLNEWS.co - Durante tinan barak nia laran, komunidade iha Maslidun, Lagoa 2 la asesu bee mos, tanba nee obriga sira sosa deit bee...
%d bloggers like this: