Hela Tinan 20, Iha Direitu Nain Ba Rai

DILI- Ema nebe mak hela ona iha rai ka fatin ida durante tinan rua nulu nia laran, nia iha direitu ba rai. No ema ida nebe mak senti hanesan nain ba rai, maibe husik hela no laiha tratamentu ba rai laiha direitu atu hadau nain ba rai.

Kestaun ne’e hato’o husi Advogado Manuel Tilman ba jornalista sira katak baseia ba integridade poso ka hak pakai, karik rai nebe maka nain husik hela tinan barak nia laran, laiha direitu atu hadau fali husi ema nebe maka hela ona.

Baseia ba integridade poso ka hak pakai, sekuando rai nebe mak nain husik hela tinan barak nia laran, depois sai tiha ba rai liur ka fatin seluk laiha direitu para mai atu hadau fali rai husi ema nebe mak hela ona iha tinan barak nia laran hanesan tinan rua nulu (20) nia laran, dehan Advogado Manuel Tilman ba jornalista iha TDD, Bebora (19/12).

Nia hatutan liu tan katak, bainhira maka rai ida ka fatin nebe husik hela no la hela iha tinan barak nia laran. Entaun ema nebe maka mai hela fali nee iha direitu sai nain ba rai. Nebe ho kazu rai iha Tasitolu nian ne’e, vitima barak mak hela ona iha area neba durante tinan 20 nia laran, maibe tenke dudu sai sira. Nebe nia sei halo historia ida ba TL, kona ba rai nee, tenik nia.

Iha parte seluk Lorensu Pereira hanesan vitima hatete, rai nebe mak nia hela ba nee durante tinan barak nia laran ona. Fatin nee nia parte ho nia familia, inan aman sira hela hahu kedas iha tempu Portugues nian. Informasaun kompletu iha STL Jornal no STL Web, edisaun Sabado (21/12/2013). Domingas Gomes

LEAVE A REPLY

Please enter your comment!
Please enter your name here